ଓକିଲଙ୍କୁ ଆକ୍ରମଣ ଅଭିଯୋଗରେ ଜଣେ ହୋମ୍‌ଗାର୍ଡଙ୍କ ସମେତ ୨ ଗିରଫ

<p>କଟକ(ଓଡ଼ିଶା ରିପୋର୍ଟର): କଟକରେ ଓକିଲଙ୍କୁ ପୁଲିସ୍&zwnj;ର ଆକ୍ରମଣ ଅଭିଯୋଗ ମାମଲାରେ ଗତକାଲି ରାତିରେ ଦୁଇ ଜଣଙ୍କୁ ଗିରଫ କରିଛି କ୍ରାଇମବ୍ରାଞ୍ଚ୍&zwnj;।</p> <p>ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ହୋମ୍&zwnj;ଗାର୍ଡ ଅଛନ୍ତି। ତାଙ୍କ ନାଁ କିଶୋର ଜେନା। ଅନ୍ୟ ଅଭିଯୁକ୍ତଙ୍କ ନାଁ ଦିଲ୍ଲୀପ ସିଂ।</p> <p>ଓକିଲଙ୍କୁ ପୁଲିସ୍&zwnj;ର ଆକ୍ରମଣ ଅଭିଯୋଗ ଘଟଣାରେ ଆନ୍ଦୋଳନ ତୀବ୍ର ହୋଇଛି। ଆଜି ପରବର୍ତ୍ତୀ ପଦକ୍ଷେପ ନେଇ ଓକିଲ ସଂଘର ବୈଠକ ବସିବ। ଏଥିରେ ଆନ୍ଦୋଳନର ରୂପରେଖ ପ୍ରସ୍ତୁତ ହେବ।</p> <p>ଗତକାଲି କଟକର ସବୁ ସରକାରୀ ଅଫିସ୍&zwnj; ଆଗରେ ଓକିଲମାନେ ଧାରଣା ଦେବା ସହ ପିକେଟିଂ କରି ଅଫିସ୍&zwnj; ଭିତରକୁ କାହାକୁ ଛାଡ଼ି ନ ଥିଲେ।</p> <p>ଓକିଲମାନଙ୍କ ଆନ୍ଦୋଳନ ଯୋଗୁ କଟକର ସବୁ ଅଦାଲତରେ କାମ ଠପ୍ ହୋଇଯାଇଛି। ଏହା ସହିତ ଆରଡିସି, ଜିଲ୍ଲାପାଳ, ଡିଆରଡିଏ ସମେତ ବିଭିନ୍ନ ସରକାରୀ ଅଫିସ୍&zwnj;ରେ କାମ ପୂରା ବନ୍ଦ ରହିଛି। ଯେ ପର୍ଯ୍ୟନ୍ତ ଦାବି ପୂରଣ ହୋଇ ନାହିଁ, ସେ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଓକିଲମାନେ ଜିଦ୍ ଧରି ବସିଛନ୍ତି।</p>