ବଦଳିବ ବଦାମବାଡ଼ି ବସ୍‌ଷ୍ଟାଣ୍ଡର ରୂପ: ଯାତ୍ରୀଙ୍କ ପାଇଁ ରହିବ ଅତ୍ୟାଧୁନିକ ବ୍ୟବସ୍ଥା

<p>ଭୁବନେଶ୍ୱର/କଟକ: ବଦଳିବ ବାଦାମବାଡି ବସଷ୍ଟାଣ୍ଡର ରୂପରେଖ। କଟକ ଗୋପାଳପୁରରେ ହେବ ଇଣ୍ଟରଷ୍ଟେଟ୍ ବସ୍ ଟର୍ମିନାଲ୍। ରାଜ୍ୟ ପରିବହନ ବିଭାଗ ପକ୍ଷରୁ ଏନେଇ ପ୍ରକ୍ରିୟା ଆରମ୍ଭ ହୋଇଛି।</p> <p>ବଦଳିବ ବାଦାମବାଡି ବସ୍ ଷ୍ଟାଣ୍ଡର ଚିତ୍ର। ଅତ୍ୟାଧିୁନିକ ଶୈଳୀରେ ତିଆରି ହେବ ବସ୍&zwnj;ଷ୍ଟାଣ୍ଡ। ଯାତ୍ରୀଙ୍କ ପାଇଁ ରହିବ ସବୁ ସୁବିଧା। ଏନେଇ ପରିବହନ ବିଭାଗ ପକ୍ଷରୁ ରୋଡ୍ ମ୍ୟାପ୍ ପ୍ରସ୍ତୁତ କରାଯାଇଛି। ଏଥିପାଇଁ ୩ କୋଟି ୩ ଲକ୍ଷ ଟଙ୍କାର ବ୍ୟୟବରାଦ କରାଯାଇଛି। ଓଡିଶା ପୋଲିସ୍ ହାଉସିଂ ୱେଲଫେୟାର କର୍ପୋରେସନ୍ ଏହି ବସ୍&zwnj;ଷ୍ଟାଣ୍ଡ ନିର୍ମାଣ କରିବ। ଏଥିପାଇଁ ଏକ କୋଟି ୬ଲକ୍ଷ ଟଙ୍କା ଆଗୁଆ ପ୍ରଦାନ କରାଯାଇଛି। ଅଗଷ୍ଟ ୧୯ରେ ଟେଣ୍ଡର ଓପନ୍ କରାଯିବ। ସେପ୍ଟେମ୍ବର ଦ୍ୱିତୀୟ ସପ୍ତାହ ସୁଦ୍ଧା କାମ ଆରମ୍ଭ ହୋଇ ଆସନ୍ତାବର୍ଷ ଜାନୁଆରୀରେ ଏହା ଶୁଭାରମ୍ଭ ହେବ। ଏନେଇ ପରିବହନ ମନ୍ତ୍ରୀ ନୃସିଂହ ଚରଣ ସାହୁ ସୂଚନା ଦେଇଛନ୍ତି।</p> <p>ସେ ଆହୁରି କହିଛନ୍ତି-&ldquo;କଟକ ଗୋପାଳପୁର ଠାରେ ୪୨ ଏକର ଜମିରେ ଇଣ୍ଟରଷ୍ଟେଟ୍ ବସ୍ ଟର୍ମିନାଲ୍ ତିଆରି ପାଇଁ ପୁଣି ଅଣ୍ଟା ଭିଡିଛନ୍ତି ସରକାର। ଏଥିପାଇଁ ନିର୍ମାଣ ଦାୟିତ୍ୱ ବିଡିଏକୁ ଦିଆଯାଇଛି। ଏହାଛଡ଼ା ପ୍ରତି ଜିଲ୍ଲା ଓ ବ୍ଲକ ସଦର ମହକୁମାରେ ବସ୍&zwnj; ଷ୍ଟାଣ୍ଡ ନିର୍ମାଣ କରାଯିବ। ସେଠାରେ ଏକ ଟି ଷ୍ଟଲ୍&zwnj; ଓ ମହିଳା ପରିଶ୍ରାଗାର ନିର୍ମାଣ କରାଯିବ।&rdquo;</p> <p>ସରକାରଙ୍କ ଏହି ପଦକ୍ଷେପକୁ ସ୍ୱାଗତ କରିଛି କଟକ ଘରୋଇ ବସ୍ ମାଲିକ ସଂଘ। ସେପଟେ ସରକାର ପୂର୍ବରୁ ମଧ୍ୟ ବାଦାମବାଡି ବସ୍ ଷ୍ଟାଣ୍ଡର ନବୀକରଣ ପାଇଁ ବହୁବାର ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛନ୍ତି। ମାତ୍ର ପ୍ରତିଥର ଅଧପନ୍ତରିଆ ହୋଇ ରହିଛି ବୋଲି କଟକ ବାସୀ ଅଭିଯୋଗ କରିଛନ୍ତି।</p>