ରହସ୍ୟ ଘେରରେ ମାଙ୍କଡ଼ ଉଠାଇ ନେଇଥିବା ଶିଶୁପୁତ୍ରର ମୃତ୍ୟୁ

<p>କଟକ(ଓଡ଼ିଶା ରିପୋର୍ଟର):&nbsp; କଟକ ଜିଲ୍ଲା ବାଙ୍କୀ ତାଳବସ୍ତ ଗାଁରେ ଶିଶୁପୁତ୍ର ମୃତ୍ୟୁ ଘଟଣାକୁ ନେଇ ସସପେନ୍ସ ଦେଖାଦେଇଛି। ଶିଶୁଟିକୁ ମାଙ୍କଡ଼ ଉଠାଇ ନେବା ପରେ ତା&rsquo;ର ମୃତ୍ୟୁ ହୋଇଥିବା ସ୍ପଷ୍ଟ ହେଉନାହିଁ ବୋଲି ବ୍ୟବଚ୍ଛେଦ କରିଥିବା ଡାକ୍ତର କରିଛନ୍ତି। ସେ କହିଛନ୍ତି ଯେ, &ldquo;ଶିଶୁଟିକୁ ମାଙ୍କଡ଼ ଉଠାଇ ନେବା ଭଳି ତା ଦେହରେ କୌଣସି ଖଣ୍ଡିଆ ଖାବରା କିମ୍ବା ଆଘାତ ଦେଖଇବାକୁ ମିଳିନି। ତେବେ ତା&rsquo;ର ମଥାରେ ନୀଳ ଦାଗ ଓ ଉପର ଓଠରେ ସାମାନ୍ୟ ଆଘାତ ଦାଗ ରହିଛି।&rdquo;</p> <p>ସେ ଆହୁରି କହିଛନ୍ତି &ldquo;ମାଙ୍କଡ଼ ଯଦି ଘୋଡେଇ ହୋଇଥିବା ଅବସ୍ଥାରେ ଛୁଆଟିକୁ ନେଇଥାଏ। ତେବେ ନଖ ଦାଗ କିମ୍ବା ଖଣ୍ଡିଆ ଖାବରା ହୋଇ ନ ଥାଇ ପାରେ।&rdquo;</p> <p>ଗତ ଶନିବାର ସକାଳେ ତାଳବସ୍ତ ଗାଁର ରାମକୃଷ୍ଣ ନାୟକଙ୍କ ଘର ଭିତରୁ ତାଙ୍କର ୧୫ ଦିନର ଶିଶୁପୁତ୍ରକୁ ଏକ ମାଙ୍କଡ଼ ଉଠାଇ ନେଇଥିଲା। ଶିଶୁଟିକୁ ମାଙ୍କଡ଼ ଉଠାଇ ନେବା ବେଳେ ତା&rsquo; ମାଆ ଦେଖିଥିବା କହିଥିଲେ। ଏହାପରେ ଶିଶୁଟିକୁ ଉଦ୍ଧାର ପାଇଁ ଦିନ ତମାମ ବନ ବିଭାଗ କର୍ମଚାରୀ ସର୍ଚ୍ଚ ଅପରେସନ ଚଳାଇଥିଲେ ବି ଉଦ୍ଧାର କରାଯାଇ ପାରି ନ ଥିଲା। ରବିବାର ସକାଳେ ଘର ପଛପଟେ ଥିବା ପଡ଼ୋଶୀଙ୍କ କୂଅରୁ ଶିଶୁର ମୃତଦେହ ମିଳିଥିଲା।</p> <p>&amp;nbsp;</p>