ମାଟିତଳୁ ମାସକ ତଳର ପାପ କାଢିଲା ପୋଲିସ: ନାବାଳିକା ଗଣଦୁଷ୍କର୍ମ ପରେ ପୋତି ଦେଇଥିଲେ ଅଭିଯୁକ୍ତ, ଦେଖନ୍ତୁ କେମିତି ବାହାରିଲା ଶବ

<p>କଟକ: କଟକ ଶୁଦସାଇଲୋ ଗାଁରୁ ନାବାଳିକା ନିଖୋଜ ଘଟଣାର ପର୍ଦ୍ଦାଫାସ୍।&nbsp; ନାବାଳିକାଙ୍କୁ ଗଣଦୁଷ୍କର୍ମ ପରେ ହତ୍ୟା କରି ପୋତା ଯାଇଥିବା ଜଣାପଡିବାପରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଖୋଳା ଆରମ୍ଭ ହୋଇଥିଲା । &nbsp;ଅପହରଣ ଓ ଗଣଦୁଷ୍କର୍ମର ପାଖାପାଖି ମାସକ ପରେ ମାଟିତଳୁ ଉଦ୍ଧାର ହେଲା ନାବାଳିକାର ମୃତଦେହ।</p> <p>କଟକ ଜିଲ୍ଲା ଗୋବିନ୍ଦପୁର ଥାନା ଅନ୍ତର୍ଗତ ଟୁଣ୍ଡା ଗାଁର ଏ ଘଟଣାକୁ ନେଇ ଚାଞ୍ଚଲ୍ୟ ଖେଳିଯାଇଛି। &nbsp;ଘଟଣାର ମାଷ୍ଟରମାଇଣ୍ଡ ସହ ପୋଲିସ୍ ୩ ଜଣଙ୍କୁ ଗିରଫ କରିଛି। ମାମଲାକୁ ରେଡ୍&zwnj; ଫ୍ଲାଗ କାଟାଗୋରୀରେ ନିଆଯିବ ବୋଲି କଟକ ଗ୍ରାମାଞ୍ଚଳ ଏସ୍ପି ସୂଚନା ଦେଇଛନ୍ତି। ମୁଖ୍ୟ ଅଭିଯୁକ୍ତ ରାଜେଶ ପଟ୍ଟନାୟକ ଘଟଣାସ୍ଥଳକୁ ଆସି ଖୋଲିଛି ପାପର ପେଡ଼ି।&nbsp;&nbsp; ନିଜ ଜମିରେ ଦୁଷ୍କର୍ମ ପରେ କେମିତି ଅନ୍ୟ ଦୁଇ ସାଙ୍ଗଙ୍କ ସହ ମିଶି ନାବାଳିକାକୁ ଜଘନ୍ୟ ହତ୍ୟା କରି ପୋତିଥିଲା, ଗୋଟି ଗୋଟି ବର୍ଣ୍ଣନା କରିଛି ପୋଲିସ୍ ଆଗରେ।</p> <p>ଗତ ଫେବ୍ରୁଆରୀ ୧୦ ତାରିଖରେ ଘରୁ ହଠାତ୍&nbsp; ନିଖୋଜ ହୋଇଯାଇଥିଲେ ଏ ନାବିଳାକା । ୧୧ ତାରିଖରେ ଥାନାରେ ଅଭିଯୋଗ ହେଲା ଏହାପରେ ଝିଅ ଫୋନ୍ କରି କହିଲା ରାଜେଶ ମୋତେ ଅପହରଣ କରି କେଉଁ ଅଜଣା ଯାଗାରେ ରଖିଛି। &nbsp;ବାସ୍ ଏତିକି । ଆଉ କିଛି ଖବର ନଥିଲା । ପୋଲିସ୍ ମୋବାଇଲ୍ ନମ୍ବରକୁ ଟ୍ରାକ୍ କରି ଅଭିଯୁକ୍ତ ରାଜେଶକୁ ଗିରଫ ପରେ ଖୋଲିଯାଇଥିଲା ସବୁ ରହସ୍ୟ । ହେଲେ ଝିଅ ଆଉ ଜୀବନରେ ନ ଥିଲା। &nbsp;ପରିବାର ଲୋକଙ୍କ ଅଭିଯୋଗ ପୋଲିସ୍ ଆଗୁଆ ପଦକ୍ଷେପ ନେଇଥିଲେ ବଂଚିଯାଇଥାନ୍ତା ଝିଅ । ଅଭିଯୁକ୍ତକୁ ଘଟଣାସ୍ଥଳକୁ ଅଣାଯିବା ବେଳେ ଏହାକୁ କେନ୍ଦ୍ର କରି ପ୍ରବଳ ଉତ୍ତେଜନା ଦେଖାଦେଇଥିଲା।</p>