ଲାଞ୍ଚ ନେଉଥିଲେ, ଭିଡିଓ ଭାଇରାଲ ହେବା ପରେ ନିଲମ୍ବିତ ହେଲେ କନଷ୍ଟେବଳ

<p>କଟକ(ଓଡିଶା ରିପୋର୍ଟର): ଆଜିକାଲି ଲାଞ୍ଚ ନ ଦେଲେ କିଛି କାମ ହେଉନି । ଡାକ୍ତରଖାନାରୁ ଆରମ୍ଭ କରି ଥାନା ପର୍ଯ୍ୟନ୍ତ ଯୋଉଠି ଦେଖିବ ସେଠି ଲାଞ୍ଚ । ଡାକ୍ତର ଲାଞ୍ଚ ନ ନେଲେ ଅପରେସନ କରୁ ନ ଥିବା ବେଳେ, ପୋଲିସ କଥା ନ କହିବା ଭଲ। ହେଲେ ଏମିତି ଦୁର୍ନୀତି ଉପରେ ଅଙ୍କୁଶ ଲାଗିପାରୁ ନାହିଁ। ନିକଟରେ କଟକରେ ଏମିତି ଜଣେ ଟ୍ରାଫିକ କନଷ୍ଟେବଳ ଲାଞ୍ଚ ନେଉଥିବାରୁ ଭିଡିଓ ଭାଇରାଲ ହେବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ ପ୍ରଶାସନ। ଅଭିଯୁକ୍ତ କନଷ୍ଟେବଳଙ୍କୁ ନିଲମ୍ବନ କରାଯାଇଛି।</p> <p>ଟ୍ରାଫିକ କନଷ୍ଟେବଳ ଜଣକ ଜଣେ ଗାଡ଼ି ଡ୍ରାଇଭର ସିଟ୍ ବେଲଟ ପିନ୍ଧି ନ ଥିବା ଅଭିଯୋଗରେ ୧୦୦୦ଟଙ୍କା ଲାଞ୍ଚ ମାଗି ୩୦୦ଟଙ୍କା ନେଉଥିବାର ଏକ ଭିଜୁଆଲ୍ ଭାଇରାଲ ହୋଇଥିଲ।&nbsp; ଏହି ଘଟଣାର ଖୋଳତାଡ଼ ପରେ ସଂପୃକ୍ତ ବ୍ୟକ୍ତି କଟକର ଟ୍ରାଫିକ୍ କନଷ୍ଟେବଳ ବୋଲି ଜଣାପଡ଼ିଥିଲା।&nbsp; ସୋସିଏଲ ମିଡିଆରେ ଭିଡିଓ ଭାଇରାଲ ହେବା ପରେ ସେହି କନଷ୍ଟେବଳଙ୍କୁ ତୁରନ୍ତ ସସପେଣ୍ଡ କରିବାକୁ ଟ୍ରାଫିକ ଅଧିକାରୀଙ୍କୁ ପୋଲିସ କମିଶନର କହିଥିଲେ।</p> <p>ନିକଟରେ ପୋଲିସ ଓ ସେମାନଙ୍କ ପ୍ରତି&nbsp; ଲୋକଙ୍କ ଆଚରଣକୁ ଜଗିବା ପାଇଁ&nbsp; ଟ୍ରାଫିକ ବ୍ୟବସ୍ଥାରେ ବଡି କ୍ୟାମେରା ସାମିଲ କରାଯାଇଛି। କନେଷ୍ଟବଳ ଜଣକ ବଡି କ୍ୟାମେରା ପିନ୍ଧି ଥିବା ବେଳେ ଲାଞ୍ଚ ମାଗି ହିନସ୍ତା ହୋଇଛନ୍ତି ।</p> <p>ସୂଚନାଯୋଗ୍ୟ, ୨୦୧୮ ବର୍ଷ ଆରମ୍ଭରୁ ପ୍ରଥମ ମାସରେ ହିଁ ଲାଞ୍ଚ ନେଇ&nbsp; ଭିଜିଲାନ୍ସ ଜାଲରେ ପଡ଼ିଛନ୍ତି ୧୦ ଲାଞ୍ଚୁଆ ଅଧିକାରୀ। ଜଣେ ପ୍ରଥମ ଶ୍ରେଣୀ, ୫ ଜଣ ଦ୍ୱିତୀୟ ଶ୍ରେଣୀ ଓ ୩ ଜଣ ତୃତୀୟ ଶ୍ରେଣୀ ଓ ୨ ଜଣ ଚତୁର୍ଥ ଶ୍ରେଣୀ କର୍ମଚାରୀ ଏଥିରେ ଅନ୍ତର୍ଭୁକ୍ତ ଅଛନ୍ତି । ମୋଟ ୧ ଲକ୍ଷ ୮୦ ହଜାରରୁ ଅଧିକ ଟଙ୍କାର ଲାଞ୍ଚ କାରବାର ହୋଇଥିଲା&nbsp; ରାଜ୍ୟ ଭିଜିଲାନ୍ସ ନିର୍ଦ୍ଦେଶାଳୟ କଟକ କ୍ୟାର୍ଯ୍ୟାଳୟ ତରଫରୁ ଏସପି ଆଜି ଏହି ସୂଚନା ଦେଇଛନ୍ତି ।</p>