ଦାମଙ୍କୁ ସାମ୍ବାଦିକଙ୍କ ପ୍ରଶ୍ନ- ଆପଣ ବି କ’ଣ ରଙ୍ଗ ବଦଳାନ୍ତି? ଉତ୍ତରରେ କ’ଣ କହିଲେ ଡାକ୍ତର ରାଉତ ଶୁଣନ୍ତୁ

<p>ଭୁବନେଶ୍ୱର(ଓଡିଶା ରିପୋର୍ଟର): &lsquo;କହିଲେ ଦେଖି, ବ୍ରାହ୍ମଣମାନେ ଦାନ ଦକ୍ଷିଣା ନିଅନ୍ତି ନା ନାହିଁ? ଏଇ କଥା ମୁଁ କହିଦେଲି ବୋଲି ମୋ ଚାକିରି ଚାଲିଗଲା।&rsquo; ବିଜେଡିର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଡାକ୍ତର ଦାମୋଦର ରାଉତଙ୍କ ଏ କଥା ଶୁଣି, ପାଖରେ ଛିଡ଼ା ହୋଇଥିବା ବରିଷ୍ଠ କଂଗ୍ରସ ନେତା ସୁର ରାଉତରାୟ ମାଇକ୍ରୋଫୋନ୍&zwnj; ଛଡାଇନେଲେ। ଆଉ କହିଲେ- &ldquo; ଦାମ ଭାଇ ସତ କହିଛନ୍ତି, ସେଥିପାଇଁ କିଛି ଖାତିର୍&zwnj; ନାହିଁ ।&rsquo; ଦୁହିଁକ ଏମିତି କଥା ଶୁଣି ସୃଷ୍ଟି ହୋଇଥିଲା ହାସ୍ୟରୋଳ।</p> <p>&lt;a href=&quot;&quot;&gt;(image) &lt;/a&gt;</p> <p>ଖୋର୍ଦ୍ଧା ଜିଲ୍ଲା ଜଟଣୀ କୁଦିଆରୀରେ ଦଶଦୋଳ ମେଳଣ ଜମାଣ ଉତ୍ସବରେ ଯୋଗ ଦେବାକୁ ଆସିଥିବା ରାଜ୍ୟ ରାଜନୀତିର ଏହି ଦୁଇ ବରିଷ୍ଠ ନେତାଙ୍କ ଭାଷଣବାଜିକୁ ଉପସ୍ଥିତ ଲୋକେ ବେସ୍&zwnj; ଉପଭୋଗ କରିଥିଲେ ରବିବାର ରାତିରେ। ପାଖରେ ଉପସ୍ଥିତ ଥିବା ରାଜ୍ୟ ଭାଜପାର ବରିଷ୍ଠ ନେତା ସୁଦୀପ୍ତ ରାୟ ମଧ୍ୟ ଏ କଥା ଶୁଣି ନିଜ ହସ ରୋକିପାରି ନ ଥିଲେ।</p> <p>ବ୍ରାହ୍ମଣ ପ୍ରସଙ୍ଗରେ କହିବା ବେଳେ ରାଜନୀତିର କଥା ମଧ୍ୟ ଉଠାଇଥିଲେ ଦାମ ବାବୁ। କହିଥିଲେ- &ldquo;ରାଜନୀତିରେ ରଙ୍ଗ ବଦଳିବା ସାଧାରଣ କଥା। ଆମେ ସବୁ ଏଠି ରାଜନୀତିଆ ଲୋକେ ଏକାଠି ହୋଇଛୁ। ଆମ ରଙ୍ଗ ରାତି ପାହିଲେ ବଦଳିଯାଏ। ୪ ଘଣ୍ଟା ବସି ଉଠିଲେ ଆମ ରଙ୍ଗ ବଦଳିଯିବ।&rdquo; ଏ ରୋକ୍&zwnj;ଠୋକ୍&zwnj; କଥା ଶୁଣି ବିଜେଡି ତୁଣ୍ଡ ଭାବେ ପରିଚିତ ଦାମଙ୍କୁ ପ୍ରଶ୍ନ ପଚାରିବାକୁ ଗଣମାଧ୍ୟମକୁ ମିଳିଯାଇଥିଲା ସୁଯୋଗ।</p> <p>ଭିଡ଼ ଭିତରୁ ଜଣେ କେହି ଗଣମାଧ୍ୟମ ପ୍ରତିନିଧି ପ୍ରଶ୍ନଟିଏ ମଧ୍ୟ ପଚାରିଦେଲେ। ଯଦି ରାଜନିତିଆ ରଙ୍ଗ ବଦଳାନ୍ତି ତାହେଲେ ଆପଣ ନିଜ ରଙ୍ଗ ବଦଳାଇବା ସମ୍ପର୍କରେ କିଛି କହିବେ କି? ବାସ୍&zwnj; ଏହି କଥା ଶୁଣି ଦାମ ଯାହା କହିଲେ ଆପଣ ଶୁଣି ହସିହସି ବେଦମ୍&zwnj; ହେବେ। କହିଥିଲେ- &ldquo;ମୋ ରଙ୍ଗ ପରା କଳା, ବଦଳିଲେ କିଛି ଦିଶିବନି।&rdquo; ଏହି ଉତ୍ତର ଶୁଣି ସମସ୍ତେ ଠୋ ଠୋ ହସିଥିଲେ।</p>