ଭଡ଼ା ଘରୁ ଡାକ୍ତରାଣୀଙ୍କ ମୃତଦେହ ଉଦ୍ଧାର

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱରର ପଟିଆ ସ୍ଥିତ ଶ୍ରୀବିହାରର ଏକ ଘରୁ ଜଣେ ଡାକ୍ତରାଣୀଙ୍କ ମୃତଦେହକୁ ଆଜି ଉଦ୍ଧାର କରାଯାଇଛି। ତାଙ୍କ ନାଁ ମନସ୍ୱିନୀ ବାରିକ। ସେ ଜଣେ ହୋମିଓପାଥି ଡାକ୍ତର ଥିଲେ।</p> <p>ତାଙ୍କ ଘର ପଶ୍ଚିମ ଓଡ଼ିଶାରେ। ସେ ଭୁବନେଶ୍ୱରରେ ଏକ ଘରୋଇ ହସ୍ପିଟାଲରେ ଚାକିରି କରୁଥିଲେ। ଏକ ସ୍ପେଶାଲ୍ କୋର୍ସ କରି ସେ ଏହି ଘରୋଇ ହସ୍&zwnj;ପିଟାଲ୍&zwnj; କାଡିଓଲୋଜି ବିଭାଗରେ କାମ କରୁଥିଲେ ବୋଲି ସୂଚନା ମିଳିଛି।</p> <p>ସେ ବାହା ହୋଇଥିଲେ। ତେବେ ତାଙ୍କର ଛାଡ଼ପତ୍ର ହୋଇଯାଇଥିଲା।</p> <p>ମିଳିଥିବା ସୂଚନା ଅନୁସାରେ, ମନସ୍ୱିନୀ ଶ୍ରୀବିହାରରେ ଉକ୍ତ ଘରେ ଭଡ଼ାରେ ରହୁଥିଲେ। ଆଜି ଘରର କବାଟ ଭାଙ୍ଗି ତାଙ୍କୁ ଉଦ୍ଧାର କରାଯାଇଥିଲା।&nbsp; ପରେ ତାଙ୍କୁ ଭୁବନେଶ୍ୱରର ଏକ ଘରୋଇ ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତାଙ୍କ ରୁମ୍&zwnj;ରୁ କିଛି ସିରିଞ୍ଜ୍&zwnj; ଓ ଇଞ୍ଜେକ୍&zwnj;ସନ୍&zwnj; ମିଳିଛି।</p> <p>ସେ ଆତ୍ମହତ୍ୟା କରିଛନ୍ତି କି ତାଙ୍କୁ ହତ୍ୟା କରାଯାଇଛି, ତାହା ସ୍ପଷ୍ଟ ହୋଇନି। ତେବେ ପରିବାର ଲୋକେ କହିଛନ୍ତି, ଏହା ପଛରେ କିଛି ରହସ୍ୟ ନିଶ୍ଚିତ ରହିଛି। କାରଣ ସେ ସେମିତି ଚିନ୍ତିତ ଜଣାପଡ଼ୁ ନଥିଲେ। ତାଙ୍କର ବ୍ୟବହାର ସାଧାରଣ ଥିଲା ଓ ସେ ଖୁସି ରହୁଥିଲେ।</p>