ରାଉରକେଲା(ସତ୍ୟାନନ୍ଦ ମହାନ୍ତି): ରାଉରକେଲାର ଟାଙ୍ଗରପାଲି ଥାନା ଅନ୍ତର୍ଗତ ଆଇଡିଏଲ୍ ଫାଣ୍ଡି ନିକଟ ପଡ଼ିଆରୁ ଜଣେ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର କରାଯାଇଛି। ତାଙ୍କ ନାଁ ସୁଶୀଲ ଓରାମ (୨୫)। ତାଙ୍କ ଘର ଆଇଡିଏଲ୍ କଲୋନୀ ନିକଟ ସମରା ବସ୍ତିରେ।
ସୁଶୀଲଙ୍କ ମୁଣ୍ଡ, ବେକ ଓ ପେଟରେ କ୍ଷତି ଚିହ୍ନ ରହିଛି। ତେଣୁ ତାଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି।
ଗତକାଲି ସନ୍ଧ୍ୟାରେ ସେ ଘରୁ କେଉଁଆଡ଼େ ଯାଇଥିଲେ ଓ ରାତିରେ ଆଉ ଫେରି ନଥିଲେ। ଆଜି ସକାଳେ ତାଙ୍କ କ୍ଷତବିକ୍ଷତ ମୃତଦେହ ଠାବ କରାଯାଇଥିଲା। ଖବର ପାଇ ପୁଲିସ୍ ସାଇଣ୍ଟିକ୍ଫିକ୍ ଟିମ୍ ସହ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି।