ଜୀବନ ନେଲା ସାଲାଇନ ଛୁଞ୍ଚି

କଟକ(ଓଡ଼ିଶା ରିପୋର୍ଟର): ଛୁଞ୍ଚି ସଂକ୍ରମଣ ଯୋଗୁ ଜୀବନ ଗଲା। ତ୍ରୁଟିପୂର୍ଣ୍ଣ ସାଲାଇନ ଛୁଞ୍ଚି ସଂଯୋଗ ଯୋଗୁଁ  ଗତ ୧୮ ଦିନ ହେଲା ଚିକିତ୍ସିତ ହେଉଥିବା ସାବିତ୍ରୀ ସାହୁ ଯନ୍ତ୍ରଣାରେ ଛଟପଟ ହୋଇ ଶେଷରେ ଆଖି ବୁଜିଛନ୍ତି । ଏଭଳି ସାଂଘାତିକ ଘଟଣା ଘଟିଛି କଟବ ବଡ଼ ମେଡିକାଲରେ।

ସାବିତ୍ରୀ ଯାଜପୁର ବଡ଼ଚଣାର ୟୁରୋଲଜି ବିଭାଗରେ ଭର୍ତ୍ତି ହୋଇଥିଲେ । ତେବେ ସେଠାରେ ସାଲାଇନ୍ ଦେବା ବେଳେ ଭୁଲ୍ ଛୁଞ୍ଚି ସଂଯୋଗ ହୋଇଥିଲା । ଯେଉଁଥିପାଇଁ ସାବିତ୍ରୀଙ୍କ ହାତରେ ସଂକ୍ରମଣ ହୋଇ ପୋକ ହୋଇଯାଇଥିଲା । ଅବସ୍ଥା  କ୍ରମଶଃ ଗୁରୁତର ହୋଇପଡ଼ିଥିବା ବେଳେ ପରିବାର ଲୋକେ ତାଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରିଥିଲେ। ହେଲେ ସେଠାରେ ଆଜି ତାଙ୍କ ମୃତ୍ୟୁ ହୋଇଛି ।

ଚିକିତ୍ସାରେ ତ୍ରୁଟିରୁ ମୃତ୍ୟୁ ହୋଇଥିବା ନେଇ ମଙ୍ଗଳାବାଗ ଥାନାରେ ଅଭିଯୋଗ କରିଛନ୍ତି ସାବିତ୍ରୀଙ୍କ ଝିଅ । ଘଟଣା ସଂପର୍କରେ ପୂର୍ବରୁ ଟ୍ୱିଟ୍ କରି ସରକାରଙ୍କୁ ଅବଗତ କରାଯାଇଥିଲା । ଏହାକୁ ନେଇ ଏସ୍‌ସିବି କର୍ତ୍ତୃପକ୍ଷ ତଦନ୍ତ ପାଇଁ ଟିମ୍ ଗଠନ କରିଥିଲେ ।