ଗୋଲକଙ୍କୁ ଗିରଫ କରିବାକୁ ବିକ୍ଷୋଭ; ଦେବାଶିଷ କହିଲେ, ଅମିତ ଶାହା ଜଣେ ଗୁଣ୍ଡା

<p>ଭୁବନେଶ୍ୱର: ଲକ୍ଷ୍ମୀଦତ୍ତ ହତ୍ୟାକାଣ୍ଡ ମାମଲାରେ ମୁଖ୍ୟ ଷଡ଼ଯନ୍ତ୍ରକାରୀ କୃଷ୍ଣଚନ୍ଦ୍ର ନାୟକ ଓ ଦୁର୍ଯ୍ୟୋଧନ ରେଡ୍ଡୀଙ୍କୁ ବିଜେପି ମୁଖପାତ୍ର ଗୋଲକ ମହାପାତ୍ର ଡେରାଡୁନ୍ ଫେରାର କରାଇଥିବା ନେଇ ଅଭିଯୋଗ ଆସିବା ପରେ ରାଜନୀତି ଜୋର ଧରିଛି। ତାଙ୍କୁ ତୁରନ୍ତ ଗିରଫ କରାଯାଉ ବୋଲି ଦାବି କରିଛି ବିଜେଡି। ଆଜି ବିଜେଡି ପକ୍ଷରୁ ବ୍ରହ୍ମପୁର ସ୍ଥିତ ଦକ୍ଷିଣାଞ୍ଚଳ ଆଇଜିଙ୍କ ଅଫିସ୍ ଆଗରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଏହା ସହିତ ଗୋଲକଙ୍କ କୁଶପୁତ୍ତଳିକା ଦାହ କରିଥିଲେ।</p> <p>ଅନ୍ୟପକ୍ଷରେ ବିଜେଡି ବିଧାୟକ ତଥା ମୁଖପାତ୍ର ଦେବାଶିଷ ସାମନ୍ତରାୟ ଆଜି ସିଧାସଳଖ ଗୋଲକଙ୍କୁ ଟାର୍ଗେଟ୍ କରିଛନ୍ତି। ସେ କହିଛନ୍ତି,&ldquo;ଗଣମାଧ୍ୟମରେ ଗୋଲକ ଅଭିଯୁକ୍ତମାନଙ୍କ ସହିତ କଥା ହୋଇଥିବା ସ୍ୱୀକାର କରିଛନ୍ତି। ଉତ୍ତରାଖଣ୍ଡରେ ଅଭିଯୁକ୍ତମାନେ ଯେଉଁ ରୁମ୍&zwnj;ରେ ରହୁଥିଲେ ସେ ନେଇ ପ୍ରତାପ ଦେବ ଯେଉଁ ପ୍ରଶ୍ନ କରିଥିଲେ ତାହାକୁ ଗୋଲକ ମହାପାତ୍ର ଖଣ୍ଡନ କରି ନାହାନ୍ତି। ବିଜେପି ଏସବୁ ନିଜେ କରାଇ ବିଜେଡି ଉପରେ ଦୋଷ ଲଦିବାକୁ ଚାହୁଁଛି।&rdquo;</p> <p>ଦେବାଶିଷ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କୁ ମଧ୍ୟ ସମାଲୋଚନା କରିଛନ୍ତି। ସେ କହିଛନ୍ତି,&ldquo;ତାଙ୍କ ନେତା ଅମିତ ଶାହା ତ ନିଜେ ଜଣେ ଗୁଣ୍ଡା ଓ କ୍ରିମିନାଲ। ତାଙ୍କଠାରୁ ଆଉ ଅଧିକ କ&rsquo;ଣ ଆଶା କରିବା।&rdquo;</p>