ଦିଲେଶ୍ୱରଙ୍କ ପରିବାର ବୋଝ ବିଜେଡି ମୁଣ୍ଡରେ

<p>ବରଗଡ଼/ଭୁବନେଶ୍ୱର(ଓଡ଼ିଶା ରିପୋର୍ଟର): ବରଗଡ଼ ଜିଲ୍ଲା ସୋହେଲା ବନାବିରା ଗାଁରେ ଘଟିଥିବା ରାଜନୈତିକ ହିଂସାରେ ଆହତ ହୋଇଥିବା ଦିଲେଶ୍ୱର ସାହୁଙ୍କ ମୃତ୍ୟୁ ହୋଇଛି। ବୁର୍ଲାରୁ କଟକ ଏସ୍&zwnj;ସିବିକୁ ସ୍ଥାନାନ୍ତର ହେବାର କିଛି ସମୟ ଭିତରେ ଦିଲେଶ୍ୱରଙ୍କ ପ୍ରାଣବାୟୁ ଉଡି ଯାଇଥିଲା। ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୁଃଖ ପ୍ରକାଶ କରିଥିଲେ। ଏହି ହିଂସାକାଣ୍ଡରେ ସଂପୃକ୍ତ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ସେହିପରି &nbsp;ମୃତ ଦିଲେଶ୍ୱରଙ୍କ ୨ ପିଲାଙ୍କ ପଢା ଖର୍ଚ୍ଚ ଓ ପରିବାରର ଭରଣପୋଷଣ ବିଜେଡି ବହନ କରିବ ବୋଲି ନବୀନ ଘୋଷଣା କରିଛନ୍ତି।</p><p>ରାଜନୈତିକ ହିଂସାରେ ଗଡ଼ିଲା ମୁଣ୍ଡ। ୨ଦିନ ଧରି ମୃତ୍ୟୁ ସହ ସଂଗ୍ରାମ ପରେ ଆଖିବୁଜିଲେ ଦିଲେଶ୍ୱର ସାହୁ। ଗୁରୁତର ଅବସ୍ଥାରେ ତାଙ୍କୁ ବୁର୍ଲା ମେଡ଼ିକାଲରୁ କଟକ ଏସ୍&zwnj;ସିବିକୁ ସ୍ଥାନାନ୍ତର ହେବାର କେଇ ମିନିଟ୍ ପରେ ଚାଲି ଯାଇଥିଲା ତାଙ୍କ (ଦିଲେଶ୍ୱର) ପ୍ରାଣବାୟୁ। ଏହାକୁ ନେଇ ରାଜନୀତି ଆରମ୍ଭ ହୋଇଥିବା ବେଳେ ଚକ୍ରବ୍ୟୂହରେ ସ୍ୱାମୀଙ୍କୁ ହରାଇଥିବା ପତ୍ନୀ ଆଖିର ଲୁହ ଶୁଖୁନି। କାନ୍ଦ ବୋବାଳିରେ ଫାଟିପଡ଼ୁଛି ପରିବେଶ। ଦିଲେଶ୍ୱରଙ୍କ ମୃତ୍ୟୁ ପରେ ପତ୍ନୀ ଆରତୀଙ୍କ ମୁଣ୍ଡ ଉପରେ ଏବେ ୨ ପିଲାଙ୍କ ବୋଝ। ସେମାନଙ୍କୁ କେମିତି ସମ୍ଭାଳିବେ, ତାକୁ ନେଇ ଭାଙ୍ଗିପଡ଼ିଛନ୍ତି ପତ୍ନୀ ଆରତୀ।</p><p>ଆଉ ଏପଟେ ଦିଲେଶ୍ୱରଙ୍କ ଶବ ଉପରେ ଆରମ୍ଭ ହୋଇଛି ରାଜ୍ୟ ରାଜନୀତି। ମୃତ ଦିଲେଶ୍ୱରଙ୍କ ମୃତଦେହକୁ ଭୁବନେଶ୍ୱର ଆଣି ରାଜ୍ୟ କାର୍ଯ୍ୟାଳୟରେ ଶ୍ରଦ୍ଧାଞ୍ଜଳି ଦେଇଥିଲା ବିଜେଡି। ଅନ୍ୟ ବରିଷ୍ଠ ନେତାଙ୍କ ସହ ଖୋଦ୍ ସୁପ୍ରିମୋ ନବୀନ ପଟ୍ଟନାୟକ ଶ୍ରଦ୍ଧାଞ୍ଜଳି ଜଣାଇଥିଲେ।</p><p>&lt;a href=&quot;&quot;&gt;(image) &lt;/a&gt;ସେପଟେ ଏହି ଘଟଣାକୁ ନେଇ ରାଜ୍ୟପାଳଙ୍କୁ ଫେରାଦ୍ ହୋଇଛି ବିଜେପି। ଦଳ ଅଭିଯୋଗ କରିଛି ଯେ, ମନ୍ତ୍ରୀ ସୁଶାନ୍ତ ସିଂହଙ୍କ ଗୁଣ୍ଡାମାନେ ଗାଡ଼ିର କାଚ ଭାଙ୍ଗି ଥିଲେ। ମନ୍ତ୍ରୀ ତାଙ୍କ ବେଆଇନ୍ ବନ୍ଧୁକରୁ ଗାଡ଼ି ଉପରକୁ ଗୁଳିମାଡ଼ କରିଥିଲେ। ଜାଣିଶୁଣି ମିଛ ଅପରାଧରେ ବିଜେପି କାର୍ଯ୍ୟକର୍ତ୍ତାକୁ ଗିରଫ କରିବାକୁ ଏଭଳି ଷଡଯନ୍ତ୍ର କରାଯାଇଥିବା ଦଳ ଅଭିଯୋଗ କରିଛି। ଦିଲେଶ୍ୱରଙ୍କ ମୃତ୍ୟୁକୁ ସନ୍ଦେହଜନକ କହିବା ସହ ରାଜ୍ୟପାଳଙ୍କୁ ଫେରାଦ୍ ହୋଇଛି ବିଜେପି। ତା&rsquo;ସହ ଏହାର ସିବିଆଇ ତଦନ୍ତ ହେବା ଦରକାର ବୋଲି ବିଜେପି ମୁଖପାତ୍ର କହିଛନ୍ତି ଗୋଲକ ମହାପାତ୍ର କହିଛନ୍ତି।</p><p>ଶୁକ୍ରବାର ରାତିରେ ମନ୍ତ୍ରୀ ସୁଶାନ୍ତ ସିଂଙ୍କ ଭାଇ ସୁବ୍ରତଙ୍କ ସମେତ ୪ ଜଣଙ୍କ ଉପରେ ସୋହେଲା ବନାବିରା ଗାଁରେ ଆକ୍ରମଣ ହୋଇଥିଲା। ଦିଲେଶ୍ୱରଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୩ ଆହତଙ୍କ ଚିକିତ୍ସା ଜାରି ରହିଛି। ସେପଟେ ଆକ୍ରମଣରେ ୩ ଜଣଙ୍କୁ ପୋଲିସ୍ ଗିରଫ କରି ତଦନ୍ତ ଜାରି ରଖିଛି।</p><p>https://youtu.be/ZoTkiwhZqDE</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।