ଟୁଇନ୍‌ସିଟିରେ ଡେଙ୍ଗୁ ଆତଙ୍କ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): କଟକ ଓ ଭୁବନେଶ୍ୱରରେ ଏବେ ଡେଙ୍ଗୁ ଆତଙ୍କ। ଭୁବନେଶ୍ୱରରେ ଏବେ ୪ ଡେଙ୍ଗୁ ରୋଗୀ ଚିହ୍ନଟ ହେବା ପରେ ପ୍ରଶାସନିକ ସ୍ତରରେ ଚେତା ପଶିଛି। ଭୁବନେଶ୍ୱର କ୍ୟାପିଟାଲ ହସ୍ପିଟାଲ ପକ୍ଷରୁ ସ୍ୱତନ୍ତ୍ର ଡାକ୍ତରୀ ଟିମ୍ ଗଠନ ସହିତ ସମସ୍ତ ଔଷଧ ମହଜୁଦ ଥିବା ହସ୍ପିଟାଲ ନିର୍ଦ୍ଦେଶକ ମନୋରଞ୍ଜନ ଦାଶ କହିଛନ୍ତି । ଏହାସହିତ ୮ ଶଯ୍ୟା ବିଶିଷ୍ଟ ଏକ ସ୍ୱତନ୍ତ୍ର ୱାର୍ଡକୁ ବି ପ୍ରସ୍ତୁତ ରଖାଯାଇଛି।</p> <p>ସେ ଆହୁରି କହିଛନ୍ତି,&ldquo; ପ୍ରତିବର୍ଷ ଆମେ ଡେଙ୍ଗୁ ପାଇଁ ସତର୍କ ରହିଥାଉ। ବର୍ତ୍ତମାନ ପର୍ଯ୍ୟନ୍ତ କୌଣସି ରୋଗୀ ଡାକ୍ତରଖାନାକୁ ଆସି ନଥିଲେ। ଯଦି ଏବେ ରୋଗୀ ଆସନ୍ତି ଆମେ ପ୍ରସ୍ତୁତ ଅଛୁ। କୌଣସି ପ୍ରକାର ଚିକିତ୍ସାରେ ଅସୁବିଧା ହେବ ନାହିଁ।&rdquo;</p> <p>ସେହିପରି କଟକରେ ବି ସଜାଗ ହୋଇଛି ସିଏମ୍&zwnj;ସି। ଡେଙ୍ଗୁର ମୁକାବିଲା ପାଇଁ ମେୟରଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। ସ୍ୱାସ୍ଥ୍ୟ କମିଟି ସହ ବିଭିନ୍ନ ବିଭାଗର ଅଧିକାରୀମାନେ ଏଥିରେ ଯୋଗ ଦେଇଥିଲେ। ଡେଙ୍ଗୁ ବ୍ୟାପିଥିବା ଅଞ୍ଚଳକୁ ବିଶେଷ ଧ୍ୟାନ ଦିଆଯିବା ସହ କେତେକ ଓ୍ୱାର୍ଡରେ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯିବ ବୋଲି ସିଏମ୍&zwnj;ସି ପକ୍ଷରୁ କୁହାଯାଇଛି।</p>