ନବୀନଙ୍କ ନାଁରେ ଧର୍ମେନ୍ଦ୍ରଙ୍କ ସାଂଘାତିକ ଅଭିଯୋଗ: କହିଲେ- ମୋତେ ଭେଟିବାକୁ ମୁଖ୍ୟଶାସନ ସଚିବଙ୍କୁ ଦିଆଯାଉନି ଅନୁମତି

<p>ଭୁବନେଶ୍ୱର (ଓଡ଼ିଶା ରିପୋର୍ଟର):&nbsp; କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟିବା ପାଇଁ ମୁଖ୍ୟଶାସନ ସଚିବଙ୍କୁ ଅନୁମତି ଦିଆଯାଉନି। ଖୋଦ୍&zwnj; ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମୁଖ୍ୟଶାସନ ସଚିବଙ୍କୁ ଅନୁମତି ଦେଉ ନାହିଁନ୍ତି। ଆଉ ଏନେଇ ଧର୍ମେନ୍ଦ୍ରଙ୍କ ଆଗରେ ଅସହାୟତା ପ୍ରକାଶ କରିଛନ୍ତି ମୁଖ୍ୟଶାସନ ସଚିବ। ବିକାଶ କାର୍ଡ ଖେଳିବାକୁ ଯାଇ ମୁଖ୍ୟମନ୍ତ୍ରୀଙ୍କୁ ଏହି ଖୋଲା ଚିଠି ଜରିଆରେ ସାଙ୍ଘାତିକ ଅଭିଯୋଗ କରିଛନ୍ତି ଧର୍ମେନ୍ଦ୍ର। କେବଳ ସେତିକୁ ନୁହେଁ ସେ ଲେଖିଥିବା ଅନେକ ଚିଠିର ଉତ୍ତର ମଧ୍ୟ ନବୀନ ଦେଉନଥିବା କହିଛନ୍ତି ଧର୍ମେନ୍ଦ୍ର।</p> <p>ମେକ୍ ଇନ୍ ଓଡିଶା କାର୍ଯ୍ୟକ୍ରମରେ ଯୁ.ଏ.ଇର ନିବେଶକମାନେ ପୁଞ୍ଜିନିବେଶ କରିବା ସଂପର୍କରେ ଆଲୋଚନା ପାଇଁ ଚାହୁଁଥିଲେ। ତେବେ ମୁଖ୍ୟଶାସନ ସଚିବଙ୍କ ସହ ଭେଟ ନ ହେବାରୁ ମୁଖ୍ୟମନ୍ତ୍ରୀଙ୍କୁ ସାକ୍ଷାତ ପାଇଁ ସମୟ ମାଗିଛନ୍ତି ଧର୍ମେନ୍ଦ୍ର। ବିଜେପି ଓ ବିଜେଡି ଛକାପଞ୍ଝା ଭିତରେ ଧର୍ମେନ୍ଦ୍ରଙ୍କ ଏଭଳି ଚିଠି କାହିଁକି? ପ୍ରକୃତରେ ବିକାଶ ପାଇଁ ଏହି ଚିଠି ନା ଏହା ଧର୍ମେନ୍ଦ୍ରଙ୍କ ପଲିଟିକାଲ ଷ୍ଟଣ୍ଟ। ଓଡିଶା ବିକାଶରେ ମୁଖ୍ୟମନ୍ତ୍ରୀ ବାଧକ ସୃଷ୍ଟି କରୁଛନ୍ତି କି? ମୁଖ୍ୟଶାସଚନ ସଚିବଙ୍କୁ ରାଜନୈତିକ ବିତର୍କକୁ ଟାଣି କିଛି ନୂଆ ଗୋଟି ଚଳାଇବାକୁ ଚାହୁଁଛନ୍ତି କି? ଏସବୁ ଚର୍ଚ୍ଚା ଭିତରେ ଧର୍ମେନ୍ଦ୍ରଙ୍କ ଚିଠିକୁ ନେଇ ମୁହାଁମୁହିଁ ବିଜେଡି ଓ ବିଜେପି।</p> <p>ବିଭିନ୍ନ ପ୍ରସଙ୍ଗକୁ ନେଇ ଏବେ ବିଜେପି ଓ ବିଜେଡି ମଧ୍ୟରେ ଲାଗିରହିଛି ତୀବ୍ର ବିବାଦ। ଧର୍ମେନ୍ଦ୍ର ବିଭିନ୍ନ ସମୟରେ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ କରୁଥିବା ବେଳେ ବିଜେଡି ମଧ୍ୟ କାଉଣ୍ଟରରେ ତାଙ୍କୁ ନିଶାନା କରୁଛି। ତଥାପି ବିଗତ ଦିନରେ କିଛି ପ୍ରସଙ୍ଗରେ ନବୀନଙ୍କୁ ଭେଟି ଆଲୋଚନା କରିଛନ୍ତି ଧର୍ମେନ୍ଦ୍ର। ଆଇଓସିଏଲ ବିବାଦ ତୁଟାଇବା କଥା ହେଉ କି ପ୍ରଧାନମନ୍ତ୍ରୀଙ୍କ ପାରାଦ୍ୱୀପ ଗସ୍ତ ବେଳେ ନିମନ୍ତ୍ରଣ କଥା ହେଉ ନବୀନ ଓ ଧର୍ମେନ୍ଦ୍ର ଭେଟଘାଟ ହୋଇଛନ୍ତି। ସେପଟେ ଧର୍ମେନ୍ଦ୍ରଙ୍କ ଚିଠି ପ୍ରସଙ୍ଗକୁ ନେଇ ଉଭୟଙ୍କୁ କଡା ସମାଲୋଚନା କରିଛି କଂଗ୍ରେସ।</p>