ନବୀନଙ୍କୁ ଧର୍ମେନ୍ଦ୍ରଙ୍କ କଟାକ୍ଷ: ଆପଣ ରାଜା, ମୁଁ ହଳିଆ

<p>ଭୁବନେଶ୍ୱର: ରାଜ୍ୟର ସହରୀ ଲୋକଙ୍କ ପାଇଁ ଆଜି ଦୁଇଟି ମେଗା ପ୍ରକଳ୍ପ ଶୁଭାରମ୍ଭ ହୋଇଛି। କେନ୍ଦ୍ର ସରକାରଙ୍କ &lsquo;ପ୍ରଧାନମନ୍ତ୍ରୀ ଉର୍ଜା ଗଙ୍ଗା ଯୋଜନାରେ&rsquo; ନାଲକୋ ନଗରରେ ଘରକୁ ପାଇପ୍&zwnj; ଯୋଗେ ଗ୍ୟାସ୍&zwnj; ଯୋଗାଣର ଶୁଭାରମ୍ଭ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେହିପରି କଟକର ଇନଡୋର ଷ୍ଟାଡିୟମରେ ସହରାଞ୍ଚଳର ୧୮୨ଟି ପାଇପ୍ ପାନୀୟ ଜଳ ପ୍ରକଳ୍ପର ଶୁଭାରମ୍ଭ କରିଛନ୍ତି ମୁଖମନ୍ତ୍ରୀ ନବୀନ ପଟ୍ଟନାୟକ। ତେବେ ଏହି ଦୁଇ ପ୍ରକଳ୍ପର ଶୁଭାରମ୍ଭ ସହ ବିଜେଡି ଓ ବିଜେପି ମଧ୍ୟରେ ଆରମ୍ଭ ହୋଇଛି ବାକ୍&zwnj;ଯୁଦ୍ଧ। ଗ୍ୟାସ୍&zwnj; ପାଇପ୍&zwnj;ର ଶୁଭାରମ୍ଭ ବେଳେ ପାଣି, ବିଜୁଳି ଓ ପେଟ୍ରୋଲ ପ୍ରସଙ୍ଗକୁ ନେଇ ନବୀନଙ୍କୁ ଟାର୍ଗେଟ କରିଛନ୍ତି ଧର୍ମେନ୍ଦ୍ର। ସେ ନବୀନଙ୍କୁ ରାଜା ଓ ନିଜକୁ ହଳିଆ ବୋଲି କହିଥିଲେ।</p> <p>ଧର୍ମେନ୍ଦ୍ର କହିଛନ୍ତି- &ldquo;ରନ୍ଧନ ଗ୍ୟାସ ଯୋଗାଣ ପାଇଁ ପାଇପ୍&zwnj; ବିଛାଇବା କାମରେ ବିଜେଡି ସରକାର ବିଳମ୍ବ କରିଛନ୍ତି। ମୋଦି ପେଟ୍ରୋଲ ଓ ଡିଜେଲରେ ଅଢେଇ ଟଙ୍କା କମ କଲ। ଆପଣ ଆଖି ବୁଜି ବିରାଡି ବୈଷ୍ଣବ ପାଲଟି ଗଲେ। ଏକଥା ପଚାରିଲେ, କହୁଛ ଅପପ୍ରଚାର କରୁଛୁ। ଏଇଟା କ&rsquo;ଣ ଆପଣଙ୍କ ଶ୍ରେଷ୍ଟ ସାର୍ଟିଫିକେଟ୍&zwnj;। ୧୭ ବର୍ଷ ଧରି ଶାସନ ପରେ ଆପଣଙ୍କର ପାଣି କଥା ମନେ ପଡିଲା।&rdquo;</p> <p>ଗଣତନ୍ତ୍ରରେ ଦୀର୍ଘ ସମୟ ପାଇଁ ରାଧୁଆ ମିଛୁଆର କାହାଣୀ ଚଳେନାହିଁ ବୋଲି ଆକ୍ଷେପ କରି ବିଦ୍ୟୁତ ଯୋଗାଣ ପ୍ରସଙ୍ଗରେ ମଧ୍ୟ ରାଜ୍ୟ ଉପରେ ବର୍ଷିଥିଲେ ଧର୍ମେନ୍ଦ୍ର।</p> <p>ଧର୍ମେନ୍ଦ୍ରଙ୍କ ମନ୍ତବ୍ୟ ପରେ ଏକ ସାମ୍ବାଦିକ ସମ୍ମିଳନୀରେ ପାଇପ୍ ଗ୍ୟାସ୍ ଯୋଗାଣର ଶ୍ରେୟ ଛଡ଼ାଇ ନେବାକୁ ପ୍ରୟାସ କରିଥିଲା ବିଜେଡି।&nbsp; ପାଇପ ଯୋଗେ ରନ୍ଧନ ଗ୍ୟାସ ଯୋଗାଣ ଏବେକାର ସରକାରଙ୍କ ନୁହେଁ ବୋଲି ବିଜେଡି କହିଛି।</p> <p>ବିଜେଡି ମୁଖପାତ୍ର ପ୍ରତାପ ଦେବ କହିଛନ୍ତି- &ldquo;୨୦୦୯ରେ ଏଥିପାଇଁ ନବୀନ କେନ୍ଦ୍ରକୁ ଚିଠି ଲେଖିଥିଲେ। ୨୦୧୨ରେ ଗେଲ ଅଧିକାରୀଙ୍କ ସହ ମୁଖ୍ୟ ଶାସନ ସଚିବଙ୍କର ଏ ନେଇ ସମୀକ୍ଷା ବୈଠକ ବି ହୋଇଥିଲା।&rdquo;</p> <p>ପର୍ଯ୍ୟଟନ୍&zwnj; ଓ ସଂସ୍କୃତି ମନ୍ତ୍ରୀ ଅଶୋକ ପଣ୍ଡା କହିଛନ୍ତି- &ldquo;ରାଜନୈତିକ ଉଦ୍ଦେଶ୍ୟ ରଖି ପାଇପ୍&zwnj; ଯୋଗେ ଗ୍ୟାସ୍&zwnj; ଯୋଗାଣ ପ୍ରକଳ୍ପ ଗରିବଙ୍କ ବସ୍ତିରେ ଆରମ୍ଭ ନକରି କେନ୍ଦ୍ର ସରକାର ଏକ କଲୋନୀରେ ଶୁଭାରମ୍ଭ କରିଛନ୍ତି। ୨୦୨୦ ପୂର୍ବରୁ ଟ୍ୱିନ୍&zwnj;ସିଟି ବାସିନ୍ଦାଙ୍କୁ ଏହାର ଫାଇଦା ମିଳିବା ଅସମ୍ଭବ।&rdquo;</p> <p>ଅନ୍ୟପକ୍ଷରେ ଗ୍ୟାସ୍&zwnj; ପାଇପ୍&zwnj; କାର୍ଯ୍ୟକ୍ରମକୁ ଭୁବନେଶ୍ୱର ସାଂସଦ ପ୍ରସନ୍ନ ପାଟ୍ଟଶାଣୀ, ବିଧାୟକ ପ୍ରିୟଦର୍ଶୀ ମିଶ୍ର ଓ ୨ ଜଣଙ୍କ କର୍ପୋରେଟରଙ୍କୁ କେନ୍ଦ୍ର ସରକାର ନିମନ୍ତ୍ରଣ କରିଥିଲେ। ହେଲେ ସେମାନଙ୍କୁ ଦେଖିବାକୁ ମିଳି ନଥିଲା।</p> <p>ସାଂସଦ ପାଟ୍ଟଶାଣୀ କହିଛନ୍ତି, ସହରୀ ଲୋକଙ୍କ ଲାଗି ପାଣି ଗ୍ୟାସ ଠାରୁ ପାଣି ଅଧିକ ଗୁରୁତ୍ୱପୂର୍ଣ୍ଣ। ସେଥିପାଇଁ କାର୍ଯ୍ୟକ୍ରମକୁ ଯାଇ ନଥିଲି।</p>