ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରରେ ଥିବା ଆୟୁଷ ହସ୍ପିଟାଲ ଆଣ୍ଡ ଟ୍ରମା କେୟାରର ନିର୍ଦ୍ଦେଶକ ଡାକ୍ତର ଅଶୋକ ଆଚାର୍ଯ୍ୟଙ୍କୁ ଆଜି ପୁଲିସ ଗିରଫ କରିଛି । ତାଙ୍କ ବିରୁଦ୍ଧରେ କୋର୍ଟ ଦୁଇଟି ଜାମିନବିହୀନ ଗିରଫ ପରୱାନା ଜାରି କରିଥିବାରୁ ସେହି ଆଧାରରେ ଡାକ୍ତର ଆଚାର୍ଯ୍ୟଙ୍କୁ ଆଜି ନୟାପଲ୍ଲୀ ଥାନାର ଏକ ପୁଲିସ ଟିମ୍ ଗିରଫ କରିଥିବା ଜଣାପଡ଼ିଛି।
ମିଳିଥିବା ସୂଚନା ଅନୁସାରେ,ଭୁବନେଶ୍ୱରର ଆଚାର୍ଯ୍ୟବିହାର ଛକ ନିକଟରେ ଥିବା ୬ମହଲା ବିଶିଷ୍ଟ ଏହି ଘରୋଇ ହସ୍ପିଟାଲର ଚିକିତ୍ସା ସେବାକୁ ନେଇ ଅଭିଯୋଗ ହେବା ପରେ ୨୦୧୬ ଜୁନ୍ ୩୦ତାରିଖରେ ଡାକ୍ତରୀ ଶିକ୍ଷା ଓ ପ୍ରଶିକ୍ଷଣ ନିର୍ଦ୍ଦେଶାଳୟ( ଡିଏମଇଟି) ପକ୍ଷରୁ ଚଢ଼ଉ କରାଯାଇଥିଲା । ମେଡିକାଲ ପ୍ରାକ୍ଟିସ ଓ ଚିକିତ୍ସା ସେବାରେ କେତେକ ଗୁରୁତର ତ୍ରୁଟି ଥିବାର ପ୍ରମାଣ ସେତେବେଳେ ଡିଏମଇଟିକୁ ମିଳିଥିବା ଚର୍ଚ୍ଚା ହୋଇଥିଲା । ଯାହାଫଳରେ ଏହି ୧୨୦ ବେଡ୍ ବିଶିଷ୍ଟ ଘରୋଇ ହସ୍ପିଟାଲକୁ ଡିଏମଇଟି ନିର୍ଦ୍ଦେଶରେ ବନ୍ଦ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
