ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କ ପାଇଁ ଅଡୁଆ ବଢିପାରେ। ସିସୋର ଲିଙ୍କ୍ ନେଇ ପ୍ରଭାତଙ୍କୁ ସିବିଆଇ ପରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଜେରା କରିପାରେ। ପ୍ରବର୍ତ୍ତନ ନିର୍ଦ୍ଦେଶାଳୟର ଯୁଗ୍ମ ନିର୍ଦ୍ଦେଶ ଓ ସହକାରୀ ନିର୍ଦ୍ଦେଶକ ଆଜି ସିବିଆଇ କାର୍ଯ୍ୟାଳୟକୁ ଯାଇ ବରିଷ୍ଠ ଅଧିକାରୀଙ୍କୁ ଭେଟିବା ସହ ଏନେଇ ଇସାର ଦେଇଛନ୍ତି। ତେଣୁ ଏହି ଠକେଉ ମାମାଲାରେ ଆଉ କିଛି ବଡ଼ ଧରଣର ଗୁମର ଥିବା ଅନୁମାନ କରାଯାଉଛି। ସିସୋର ଟଙ୍କା କେଉଁ ପ୍ରଭାବଶାଳୀଙ୍କ ପକେଟ୍କୁ ଯାଇଛି, ଇଡି ତାର ଖୋଳତାଡ କରିବା ସମ୍ଭାବନା ରହିଛି। ଅନ୍ୟପକ୍ଷରେ ଇଡି ଯୁଗ୍ମ ନିର୍ଦ୍ଦେଶକ ମାଧବ ମିଶ୍ର କହିଛନ୍ତି, ରାଜ୍ୟର ସବୁ ଚିଟ୍ଫଣ୍ଡ ସଂସ୍ଥା ଉପରେ ଆଲୋଚନା କରିଛି।
ବିଜେଡି ବିଧାୟକ ପ୍ରଭାତ ବିଶ୍ୱାଳ ୧୧ଟି ଡ୍ରାପ୍ଟ ମାଧ୍ୟରେ ରାଜଲକ୍ଷ୍ମୀ ଜେନା ନାମକ ଜଣେ ମହିଳାଙ୍କଠାରୁ ୯ ଲକ୍ଷରୁ ଅଧିକ ଟଙ୍କା ଦେଇଥିଲେ। ସେଇ ମହିଳାଙ୍କ ସମ୍ପର୍କରେ ମୁହଁ ଖୋଲିଛନ୍ତି ତାଙ୍କ ଭାଇ ଆରତ।
ସେ କହିଛନ୍ତି-“ଭାଇଙ୍କ ଜଣେ ବନ୍ଧୁଙ୍କ ପତ୍ନୀ ହେଉଛନ୍ତି ରାଜଲକ୍ଷ୍ମୀ। ତାଙ୍କଠାରୁ ଧାର ସୂତ୍ରରେ ଆସିଥିବା ଟଙ୍କାକୁ ଫେରସ୍ତ କରାଯାଇଥିଲା। ଏଥିପାଇଁ ଭାଇ ଡ୍ରାଫ୍ଟ କାଟି ଦେଇଥିଲେ। ମାତ୍ର ଭାଉଜଙ୍କ ଆକାଉଁଣ୍ଟରୁ ଟଙ୍କା ଯାଇଥିଲା।”
ଅନ୍ୟପକ୍ଷରେ ଆଜି ପ୍ରଭାତ ବିଶ୍ୱାଳଙ୍କୁ ସିବିଆଇ ଆଜି କୋର୍ଟରେ ହାଜର କରାଇଥିଲା। ପରେ ତାଙ୍କୁ କୋର୍ଟ ଚାଲାଣ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
