୯ ମାସ ପୂର୍ବରୁ ହୋଇପାରେ ଭୋଟ୍‌; ଓଡ଼ିଶାରେ ଆନୁମାନିକ ନିର୍ବାଚନ ଖର୍ଚ୍ଚ କେତେ ଜାଣିଛନ୍ତି?

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ସାଧାରଣ ନିର୍ବାଚନ ପାଇଁ କମରକଷା ଆରମ୍ଭ। ନିର୍ବାଚନର ପ୍ରାୟ ୯ ମାସ ପୂର୍ବରୁ ପ୍ରସ୍ତୁତି ଆରମ୍ଭ କରିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ(ସିଇଓ)। ନିର୍ବାଚନ ପରିଚାଳନା ପାଇଁ ପ୍ରତି ଜିଲ୍ଲାରେ କେତେ ଟଙ୍କା ଦରକାର ପଡ଼ିବ? ସେନେଇ ଜିଲ୍ଲାପାଳମାନଙ୍କୁ ଚିଠି ଲେଖି ଖର୍ଚ୍ଚର ହିସାବ ମାଗିଛି ସିଇଓଙ୍କ କାର୍ଯ୍ୟାଳୟ। ଏହାଛଡ଼ା ପ୍ରତି ଆଇଟମ୍&zwnj;ର ଖର୍ଚ୍ଚ ତାଲିକା ଦେବାକୁ ମଧ୍ୟ କୁହାଯାଇଛି। ତାଲିକାରେ ଭିଡିଓଗ୍ରାଫି ଓ ଡକ୍ୟୁମେଣ୍ଟେସନ୍&zwnj;ରୁ ଆରମ୍ଭ କରି ଇଭିଏମ୍&zwnj; ପରିବହନ ଏବଂ ଟ୍ରେନିଂ, ଷ୍ଟ୍ରଙ୍ଗ ରୁମ୍, ଭୋଟିଂ କଂପାର୍ଟଟମେଣ୍ଟ ଆଦି ୨୪ଟି ଶ୍ରେଣୀରେ କେତେ ଖର୍ଚ୍ଚ ହେବ ତାହାର ଗୋଟି ଗୋଟି ହିସାବ ଦେବାକୁ କୁହାଯାଇଛି। ସେପଟେ ଇଭିଏମ୍ ଓ ଭିଭିପାଟ୍ ରଖିବା ପାଇଁ ସବୁ ଜିଲ୍ଲାରେ ଷ୍ଟ୍ରଙ୍ଗ ରୁମ୍ ତିଆରି ପାଇଁ ମଧ୍ୟ ଅର୍ଥ ବରାଦ ହୋଇଛି। ୩୬,୦୦୦ ବୁଥ୍ ପାଇଁ ଏସବୁ ବ୍ୟବସ୍ଥା କରିବାକୁ ପଡ଼ିବ। ଓଡ଼ିଶାରେ ଉଭୟ ଲୋକସଭା ଓ ବିଧାନସଭା ନିର୍ବାଚନ ଏକାସାଙ୍ଗରେ ହେଉଥିବାରୁ ସେହି ଅନୁସାରେ ଇଭିଏମ୍ ଓ ଭିଭିପ୍ୟାଟ୍ ଦରକାର ହେବ। ୨୦୧୪ ନିର୍ବାଚନରେ ପ୍ରାୟ ୧୧୦ କୋଟି ଖର୍ଚ୍ଚ ହୋଇଥିବା ବେଳେ ଆସନ୍ତା ନିର୍ବାଚନରେ ୨୦୦ କୋଟି ଖର୍ଚ୍ଚ ହେବ ବୋଲି ଆକଳନ କରାଯାଉଛି।</p> <p>ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର କହିଛନ୍ତି,&ldquo;ନିର୍ବାଚନ ହେଲେ କେତେ ଟଙ୍କା ଖର୍ଚ୍ଚ ହେବ ସେନେଇ ଏକ ବଜେଟ ପ୍ରସ୍ତୁତ କରାଯାଉଛି। ସେଥିପାଇଁ ଚିଠି କରାଯାଇଛି।&rdquo;</p> <p>ଚଳିତ ଆର୍ଥିକ ବର୍ଷର ଶେଷ କିମ୍ବା ଆସନ୍ତା ଆର୍ଥିକ ବର୍ଷର ଆରମ୍ଭରେ ସାଧାରଣ ନିର୍ବାଚନ ହୋଇପାରେ। ସେହି ଅନୁସାରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପ୍ରସ୍ତୁତି ଆରମ୍ଭ କରିଛନ୍ତି। ନିର୍ଦ୍ଧାରିତ ସମୟରେ ସାଧାରଣ ନିର୍ବାଚନ ପାଇଁ ଏସବୁ ପ୍ରସ୍ତୁତି ହେଉଥିବା ବେଳେ ଆଗୁଆ ନିର୍ବାଚନ ନେଇ ମଧ୍ୟ ଚର୍ଚ୍ଚା ଲାଗି ରହିଛି। ବିଭିନ୍ନ ରାଜନୈତିକ ଦଳ ମଧ୍ୟ ନିର୍ବାଚନ ପାଇଁ କସରତ ଜାରି ରଖିଛନ୍ତି। ଯେଉଁ ସମୟରେ ନିର୍ବାଚନ ହେଲେ ବି ପ୍ରସ୍ତୁତ ବୋଲି ସବୁ ଦଳ କହିଛନ୍ତି।</p> <p>ଜୁନ୍&zwnj; ୧୫ ତାରିଖରୁ ନିର୍ବାଚନ ପାଇଁ ବୁଥ୍ ଲେଭେଲ୍ ଅଫିସରମାନେ ଘରକୁ ଘର ଯାଇ ଇଲୋକ୍ଟ୍ରୋରାଲ୍ ରୋଲ ପ୍ରସ୍ତୁତିରେ ଲାଗିଛନ୍ତି। ତେବେ ଆଗୁଆ ନିର୍ବାଚନ ହେବ ନା ନାହିଁ ତାହା କେନ୍ଦ୍ର ନିର୍ବାଚନ ଆୟୋଗ ସ୍ୱଷ୍ଟ କଲାପରେ ଜଣାପଡିବ। ସେପଟେ ଏକାସାଙ୍ଗରେ ଲୋକସଭା ସମେତ ଅଧା ରାଜ୍ୟରେ ବିଧାନସଭା ନିର୍ବାଚନ ଲାଗି ବିଚାର ବିମର୍ଷ ଜାରି ରହିଛି।</p>