ବିଦ୍ୟୁତ୍‌ ଆଘାତରେ ଟଳି ପଡ଼ିଲା ଗର୍ଭବତୀ ହାତୀ!

<p>ଢେଙ୍କାନାଳ (ରାଜଶ୍ରୀ ଶତପଥୀ): ବିପଦରେ ଗଜରାଜ। ପୁଣି ଟଳିପଡ଼ିଆ ହାତୀ। ବିଦ୍ୟୁତ୍&zwnj; ଆଘାତରେ ଏକ ମାଈ ହାତୀର ମୃତ୍ୟୁ ଘଟିଥିବା ଅଭିଯୋଗ ହେଉଛି। ମୃତ ହାତୀଟି ଗର୍ଭବତୀ ଥିବା ଅନୁମାନ କରାଯାଉଛି। ଢେଙ୍କାନାଳ ବନ ବିଭାଗ ହାତୀର ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି।</p> <p>ଢେଙ୍କାନାଳ ସଦର ରେଞ୍ଜ କାକୁଡ଼ିଭାଗ ପଞ୍ଚାୟତ ବୋଲୁଅ ସାହି ଅଞ୍ଚଳରେ ବହୁ ଚାଷୀ ପରିବା ଚାଷ କରନ୍ତି। ସେଥିରେ ଚଳେ ସେମାନଙ୍କ ପରିବାର। ତେବେ ହାତୀଟି ପରିବା ଖାଇବାକୁ ଆସି ବିଦ୍ୟୁତ୍&zwnj; ଆଘାତରେ ମରିଥିବା ଅନୁମାନ କରାଯାଉଛି। ମୃତ ହାତୀର ବୟସ ୧୨ ବର୍ଷ ହେବ। ମୃତଦେହଠାରୁ ୫୦୦ ମିଟର ଦୂର ଜଙ୍ଗଲରେ ଏକ ହାତୀ ପଲ ଜଗି ରହିଛି।</p> <p>ଗାଁ ଲୋକଙ୍କଠାରୁ ଢେଙ୍କାନଳ ଡିଏଫ୍&zwnj;ଓ ଓ ସଦର ରେଞ୍ଜର ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ପାରିପାର୍ଶ୍ୱିକ ସ୍ଥିତିରୁ ବିଦ୍ୟୁତ ଆଘାତରେ ହାତୀର ମୃତ୍ୟୁ ହୋଇଥିବା ବନ ବିଭାଗ ଅନୁମାନ କରାଯାଉଛି।</p>