ଭୁବନେଶ୍ୱର: ଇଂଜିନିୟରିଂ ଛାତ୍ରଛାତ୍ରୀମାନଙ୍କୁ ବୈଷୟିକ ଶିକ୍ଷା ଓ ବୃତ୍ତି କ୍ଷେତ୍ରରେ ସୁସଙ୍ଗଠିତ ଭାବେ ଗଢ଼ି ତୋଳିବାର ଲକ୍ଷ୍ୟ ନେଇ ଆରମ୍ଭ ହୋଇଥିବା 'ନାଇନ୍ଥସେମ' ଷ୍ଟାର୍ଟଅପ ସ୍ୱାଧୀନତା ଦିବସ ଅବସରରେ ଲୋକାର୍ପିତ ହୋଇଛି। ଭିଡିଓ କନଫରେନ୍ସିଂ ମାଧ୍ୟମରେ ଷ୍ଟାର୍ଟଅପଟିକୁ ଉଦଘାଟିତ କରାଯାଇଛି। ଆବଶ୍ୟକୀୟ ଶିକ୍ଷା ଅଭାବରୁ ନିଜର କର୍ମକ୍ଷେତ୍ରରେ ଅସୁବିଧାର ସମ୍ମୁଖୀନ ହେଉଥିବା ଛାତ୍ରଛାତ୍ରୀଙ୍କ ପାଇଁ ନାଇନସେମ ଏକ ଆଦର୍ଶ ସୁଯୋଗ ସୃଷ୍ଟି କରିବ ବୋଲି କୁହାଯାଉଛି।
ଭାରତ ସରକାରଙ୍କ ଷ୍ଟାର୍ଟଅପ ଇଣ୍ଡିଆଠାରୁ ସ୍ଵୀକୃତିପ୍ରାପ୍ତ ଓ ଉଚ୍ଚ ପ୍ରଶଂସିତ ନାଇନସେମ ଏ ପ୍ରକାରର ବୃତ୍ତିଗତ ଶିକ୍ଷା ପ୍ରଦାନରେ ଏକ ଅଭିନବ ଓ ସମ୍ପୂର୍ଣ୍ଣ ନୂଆ ପ୍ରୟାସ ଅଟେ।
GIET ଗୁଣୁପୁରର ତିନିଜଣ ଇଞ୍ଜିନିୟରଙ୍କ ଦ୍ଵାରା ଏହି ଷ୍ଟାର୍ଟଅପଟି ପ୍ରତିଷ୍ଠା କରାଯାଇଛି। ଏଥିରେ ମୁଖ୍ୟତଃ ccim(certification course on industry), ମକ ଇଣ୍ଟରଭ୍ୟୁ, ସିଭି ମେକିଙ୍ଗ ଆଦି ଉପରେ ବିସ୍ତୃତ ଶିକ୍ଷା ପ୍ରଦାନ କରାଯିବ। ସେହିଭଳି କ୍ୟାମ୍ପସ ଚୟନରେ ଇଣ୍ଡଷ୍ଟ୍ରିଆଲ୍ ନେଟୱର୍କିଂ ସହ ବିଶେଷଜ୍ଞଙ୍କଠାରୁ ନିଯୁକ୍ତି ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ପରାମର୍ଶ ମଧ୍ୟ ଦିଆଯିବ।
ଏନେଇ ଷ୍ଟାର୍ଟଅପଟିର ମିଡିଆ ଓ ଷ୍ଟ୍ରାଟେଜୀ ମୁଖ୍ୟ ଦେଶ କୁମାର ରଥ ନାଇନସେମର ନାମକରଣ ସମ୍ପର୍କରେ ବ୍ୟାଖ୍ୟା କରିଛନ୍ତି। ସେ କହିଛନ୍ତି "ଇଞ୍ଜିନିୟରିଂ ଶିକ୍ଷା ୮ଟି ସେମିଷ୍ଟରରେ ଶେଷ ହୁଏ। କିନ୍ତୁ ପ୍ରକୃତ ବୈଷୟିକ ଓ ବ୍ୟବହାରିକ ଶିକ୍ଷା କେବଳ ଏଠାରୁ ଆରମ୍ଭ ହୁଏ। ତେଣୁ ଆମେ ୯ମ ସେମିଷ୍ଟାର ପାଇଁ ଛାତ୍ରଛାତ୍ରୀମାନଙ୍କୁ ପ୍ରସ୍ତୁତ କରିବାର ସଂକଳ୍ପ ନେଇଛି।”
ଉଲ୍ଲେଖଯୋଗ୍ୟ ଯେ ଆଜିର ଏହି ଉଦଘାଟନ କାର୍ଯ୍ୟକ୍ରମ ସହ ଭର୍ଚୁଆଲ ଅଲୋଚନାଟିକୁ ଷ୍ଟାର୍ଟଅପର ଷ୍ଟ୍ରଟେଜୀ ମୁଖ୍ୟ ଦେଶ କୁମାର ରଥ ଓ ଅଭନୀ ଝା ପରିଚାଳନା କରିଥିଲେ। ସେହିପରି ଶ୍ରୀ ପ୍ରକାଶ କୁମାର ପରିଆରୀ ସଂଯୋଜକ ଦାୟିତ୍ୱ ତୁଲାଇଥିଲେ। ଏହି ନୂଆ ପ୍ରୟାସ ସହ ଯୋଡ଼ି ହେବାକୁ ଇଛୁକ ବ୍ୟକ୍ତିମାନେ କମ୍ପାନୀର ୱେବସାଇଟ www.ninthsem.com କୁ ଯାଇ ବିସ୍ତୃତ ବିବରଣୀ ପାଇପାରିବେ ବୋଲି କୁହାଯାଇଛି ।