କାମାକ୍ଷାନଗର(ଓଡ଼ିଶା ରିପୋର୍ଟର): ଢେଙ୍କାନାଳ ଜିଲ୍ଲା ନୂଆ ଭୁବନରୁ ବୁଦ୍ଧେଶ୍ୱର ଯିବା ରାସ୍ତାରେ ନକଲି ମଦ କାରଖାନା ଠାବ ହୋଇଛି। ବିଶେଷ ସୂତ୍ରରୁ ଖବର ପାଇ ଗତକାଲି ବିଳମ୍ବିତ ରାତିରେ ଢେଙ୍କାନାଳ ଅବକାରୀ ବିଭାଗ ,ମୋବାଇଲ ସ୍କ୍ୱାଡ୍ ଓ ପୁଲିସ୍ ମିଳିତ ଭାବେ ଚଢଉ କରିଥିଲେ।
ଚଢ଼ଉ ସମୟରେ ନକଲି ମଦ, ସ୍ପିରିଟ୍ ୬୫୦ ଲିଟର, କାରମେଲ ୪ ଲିଟର,୨ ହଜାର ଠିପି, ସିଲ୍ ୪୦୦୦, ପ୍ୟାକିଙ୍ଗ୍ ମେସିନ୍ ୨ଟି , ଖାଲି ବୋତଲ୍, କାର୍ଟୁନ୍ ସହ ଏକ କାର ଜବତ ହୋଇଛି। ଏହି ଘଟଣାରେ ୪ ଜଣଙ୍କୁ ଗିରଫ କରାଯାଇଛି। ସମସ୍ତଙ୍କ ଘର ଭୁବନ ଅଞ୍ଚଳରେ ବୋଲି ଜଣାପଡ଼ିଛି।