ନକଲି ଆଇଆର୍‌ଏସ୍‌ ଅଫିସର୍‌ ଗିରଫ

<p>ବାରିପଦା(ଓଡ଼ିଶା ରିପୋର୍ଟର): ଜଣେ ନକଲି ଆଇଆର୍&zwnj;ଏସ୍&zwnj; ଅଫିସରକୁ ପୁଲିସ୍&zwnj; ଗିରଫ କରିଛି। ନିଜକୁ ଭାରତୀୟ ରାଜସ୍ୱ ସେବା ବିଭାଗର ଅଧିକାରୀ ବୋଲି ପରିଚୟ ଦେଇ ଲୋକଙ୍କୁ ଠକୁଥିବା ବେଳେ ବାରିପଦା ପୁଲିସ୍&zwnj; ହାତରେ ଧରାପଡ଼ିଛନ୍ତି ଏହି ବ୍ୟକ୍ତି। ତାଙ୍କ ନାଁ ରଜତ କୁମାର ପଣ୍ଡା। ତାଙ୍କ ଘର ଭଦ୍ରକ ଜିଲ୍ଲା ତିହିଡ଼ି ଥାନା ଅନ୍ତର୍ଗତ ବଉଳପାଳ ଗାଁରେ।</p> <p>ତାଙ୍କଠାରୁ ଦୁଇଟି ମୋବାଇଲ୍&zwnj;, ୧୦ହଜାର ଟଙ୍କା ଓ ଅନେକ ଜାଲ୍&zwnj; କାଗଜପତ୍ର ଜବତ କରାଯାଇଛି।</p> <p>ପୂର୍ବରୁ ମଧ୍ୟ ରଜତ ଅନେକ ଲୋକଙ୍କୁ ଚାକିରିର ପ୍ରଲୋଭନ ଦେଖାଇ ଠକିଥିଲେ। ଆଉ ଏହି ଅଭିଯୋଗରେ ଗିରଫ ହୋଇ ଜେଲ୍ ମଧ୍ୟ ଯାଇଥିଲେ।</p> <p>ଜେଲ୍&zwnj;ରୁ ମୁକୁଳିବା ପରେ ପୁଣି ନିଜକୁ ଆଇଆରଏସ୍&zwnj; ଅଫିସର୍ କହି ବାରିପଦାର ଜଣେ ମହିଳାଙ୍କୁ ଏନ୍&zwnj;ଜିଓରେ ଚାକିରି କରାଇ ଦେବାକୁ କହି ୩୦ ହଜାର ଟଙ୍କା ମାଗିଥିଲେ।</p> <p>ତେବେ ମହିଳା ଜଣଙ୍କ ତାଙ୍କ ଚାଲ୍ ଧରି ପାରିଥିଲେ ଓ ଏନେଇ ଟାଉନ୍ ଥାନାରେ ଜଣାଇଥିଲେ।<br /> ତା&rsquo;ପରେ ପୁଲିସ୍&zwnj; ଏହି ନକଲି ଅଫିସର୍&zwnj;ଙ୍କୁ ଗିରଫ କରିଥିଲା।</p>