ଟ୍ରେନ୍‌ରେ ଚାଲାଣ ହେଉଥିଲା ଜାଲ୍‌ନୋଟ୍‌: ଚେର ଲମ୍ୱିଛି ବାଂଲାଦେଶରୁ ବେଙ୍ଗାଲୁରୁ!  

<p>ଭୁବନେଶ୍ୱର (ଓଡ଼ିଶା ରିପୋର୍ଟର): କାମାକ୍ଷା-ଯଶୋବନ୍ତପୁର ଏକ୍ସପ୍ରେସ୍&zwnj;ରେ ଜାଲ୍&zwnj; ନୋଟ୍&zwnj; ଚାଲାଣ ହେଉଥିଲା। ରାକେଟ୍&zwnj;ର ଚେର ବାଂଲାଦେଶରୁ ବେଙ୍ଗାଲୁରୁ ପର୍ଯ୍ୟନ୍ତ ଲମ୍ୱିଥିବା ଅନୁମାନ କରାଯାଉଛି। ରାଜସ୍ୱ ଗୋଇନ୍ଦା ନିର୍ଦ୍ଦେଶାଳୟର ଏକ ଟିମ୍&zwnj; ଆଜି ଏହି ଘଟଣାର ପର୍ଦ୍ଦାଫାସ କରିଛି। ଏପରିକି ଟଙ୍କା ଚାଲାଣ କରୁଥିବା ଜଣେ ବାଂଲାଦେଶୀ ଯୁବକକୁ ଅଟକ ରଖି ପଚରାଉଚରା ଚଳାଇଛି।</p> <p>କିଛି ଦିନ ଧରି ଓଡ଼ିଶା ସମେତ ବିଭିନ୍ନ ରାଜ୍ୟରେ ଜାଲ୍&zwnj; ନୋଟ୍&zwnj; କାରବାର ଚାଲିଥିଲା। ପୋଲିସ ହେଉ ବା ରାଜସ୍ୱ ଗୋଇନ୍ଦା ନିର୍ଦ୍ଦେଶାଳୟ ମୁଖ୍ୟଅଭିଯୁକ୍ତଙ୍କୁ ଧରିବାରେ ସଫଳ ହେଉନଥିଲା। ମାତ୍ର ଛୋଟମୋଟ୍&zwnj; ଚୋରଙ୍କୁ ଧରି ଘଟଣାରେ ଘାଣ୍ଟି ହେଉଥିଲା। ଆଜି ଏମିତି ରାକେଟ୍&zwnj;ରେ ପର୍ଦ୍ଦାଫାସ ହୋଇଛି। କାମାକ୍ଷା-ଯଶୋବନ୍ତପୁର ଏକ୍ସପ୍ରେସରେ ଜାଲ ନୋଟ୍&zwnj; ଚାଲାଣ କରୁଥିବା ଜାଣିପାରି ରାଜସ୍ୱ ଗୋଇନ୍ଦା ନିର୍ଦ୍ଦେଶାଳୟର ଏକ ଟିମ୍&zwnj; ଖୋର୍ଦ୍ଧା ଷ୍ଟେସନ୍&zwnj;ରେ ଟ୍ରେନ୍&zwnj;କୁ ଅଟକାଇ ଚଢ଼ାଉ କରି ୧୫୦ରୁ ଅଧିକ ୨୦୦୦ ଟଙ୍କିଆ ଜାଲ୍&zwnj; ନୋଟ୍&zwnj; ଜବତ କରିଥିଲା। ଯାହାର ଆନୁମାନିକ ମୂଲ୍ୟ ସାଢ଼େ ୩ ଟଙ୍କା ହେବ। ଏହି ଘଟଣାରେ ଜଣେ ବାଂଲାଦେଶୀ ଯୁବକକୁ ଅଟକ ରଖି କେତେ ଦିନ ଧରି ଜାଲ୍&zwnj; ନୋଟ୍&zwnj; କାରବାର ହେଉଥିଲା ଓ ଏଥିରେ ଆଉ କିଏ ସମ୍ପୃକ୍ତ ଅଛନ୍ତି ତାହା ଉପରେ ପଚରାଉଚରା କରୁଥିବା ଜଣାପଡ଼ିଛି।</p> <p>ସୂଚନାରୁ ପ୍ରକାଶ, ଗତ କିଛି ଦିନ ଧରି ବାରିପଦା, ବାଲେଶ୍ୱର, ଭଦ୍ରକ ଓ ସମ୍ୱଲପୁରରେ ଜାଲ୍&zwnj; ନୋଟ୍&zwnj; କାରବାର ହେଉଥିବା ଅଭିଯୋଗ ହୋଇଥିଲା। ପୋଲିସ ସେହି ଅଞ୍ଚଳରେ ଚଢ଼ାଉ କରି ଅଭିଯୁକ୍ତଙ୍କୁ ଗିରଫ କରିବା ସହିତ ଜାଲ୍&zwnj; ନୋଟ୍&zwnj; ଜବତ କରିଥିଲା। ମାତ୍ର ମୁଖ୍ୟ ଅଭିଯୁକ୍ତଙ୍କ ପାଖରେ ପହଞ୍ଚିପାରୁ ନଥିଲା।</p>