ବରଗଡ଼(ଦୀପକ ଶର୍ମା): ଧାନ ସଂଗ୍ରହ ପ୍ରକ୍ରିୟାରେ ଟୋକନ ବ୍ୟବସ୍ଥା ବିରୋଧରେ ତୀବ୍ର ହେଉଛି ଚାଷୀଙ୍କ ଅସନ୍ତୋଷ । ପ୍ରତିବାଦରେ ଗୋଡ଼ଭଗା ଛକରେ ଧାନ ବସ୍ତା ରଖି ସମ୍ବଲପୁର-ବରଗଡ଼ ମୁଖ୍ୟ ରାସ୍ତାକୁ ଅବରୋଧ କରିଛନ୍ତି ଚାଷୀ। ଫଳରେ ଉଭୟ ପଟରେ ଯାନାବାହନ ଚଳାଚଳ ବାଧାପ୍ରାପ୍ତ ହୋଇଛି ।
ଶହ ଶହ ସଂଖ୍ୟାରେ ଚାଷୀ ଏହି ଆନ୍ଦୋଳନରେ ସାମିଲ ହୋଇଛନ୍ତି । ସେମାନେ ସରକାରଙ୍କ ନିଷ୍ପତ୍ତି ଓ ଟୋକନ୍ ବ୍ୟବସ୍ଥାକୁ ପ୍ରବଳ ବିରୋଧ କରିଛନ୍ତି । ଗତକାଲି ଜିଦ୍ରେ ଅଟଳ ଥିବା ଚାଷୀଙ୍କ ସହ ଉତ୍ତରାଞ୍ଚଳ DIGଙ୍କ ବୈଠକରେ କୌଣସି ନିଷ୍କର୍ସ ବାହାରି ପାରିନଥିଲା । ବିଳମ୍ବିତ ରାତିରେ ଅତାବିରାରେ ଚାଷୀଙ୍କ ସହ ଡିଆଇଜି ହିମାଂଶୁ ଲାଲ୍ ବୈଠକ ବସିଥିଲା । ଆନ୍ଦୋଳନ ପ୍ରତ୍ୟାହାର ପାଇଁ DIGଙ୍କ ଅନୁରୋଧକୁ ଚାଷୀ ପ୍ରତ୍ୟାଖ୍ୟାନ କରିଛନ୍ତି । ପୂର୍ବରୁ ଉପଜିଲ୍ଲାପାଳ, ଜିଲ୍ଲାପାଳଙ୍କ ସହ ଚାଷୀଙ୍କ ଆଲୋଚନା ବି ବିଫଳ ହୋଇଥିଲା ।