ରାୟଗଡ଼ା(ମନୋଜ ପାତ୍ର): ବିଦ୍ୟୁତ ଆଘାତରେ ଆଖି ବୁଜିଲେ ଶ୍ୱଶୁର ଓ ବୋହୂ। ରାୟଗଡା ଜିଲ୍ଲା ବିଷମକଟକ ଥାନା ଠଙ୍ଗପଡ଼ା ଗାଁରେ ଘଟିଛି ଏହି ଅଘଟଣ । ମୃତକଦ୍ୱୟ ହେଲେ ୬୫ ବର୍ଷୀୟ ବୃଦ୍ଧ ଡାଉଣୀ ମଣ୍ଡିକା ଓ ତାଙ୍କ ବୋହୂ ସୁମିତ୍ରା ମଣ୍ଡିକା
ସୂଚନାଯୋଗ୍ୟ, ଇଲେକ୍ଟ୍ରି ବୋର୍ଡରୁ ଆସିଥିବା ତାର ଡାଉଣୀଙ୍କ ଘର ଭିତରେ ଏକ କବାଟରେ ଚାର୍ଜ ହୋଇ ଯାଇଥିଲା । ଆଜି ସକାଳେ ଡାଉଣୀ ଉକ୍ତ କବାଟ ଧରିବାରୁ ବିଦ୍ୟୁତ ସଂସ୍ପର୍ଶରେ ଆସି ଯାଇଥିଲେ। ଫଳରେ ସେ ଚିତ୍କାର କରିବାରୁ ତାଙ୍କୁ ବଞ୍ଚାଇବାକୁ ଯାଇ ତାଙ୍କ ବୋହୂ ସୁମିତ୍ରା ମଧ୍ୟ ବିଦ୍ୟୁତ୍ ଆଘାତ ପାଇଥିଲେ।
ଉଭୟ ଶ୍ୱଶୁର ଓ ବୋହୂଙ୍କୁ ଗୁରୁତର ଅବସ୍ଥାରେ ବିଷମକଟକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି।
ସୂଚନାଯୋଗ୍ୟ, ସୁମିତ୍ରା ୪-୫ ମାସର ଗର୍ଭବତୀ ଥିଲେ।