ମାଲକାନଗିରି(ଜିତେନ୍ଦ୍ର ବେଉରା): ଜାତୀୟ ରାଜପଥ ଉପରେ ଜଳିଗଲା ଗଞ୍ଜେଇ ବୋଝେଇ କାର୍। ମାଲକାନଗିରି ଏମ୍ଭି-୧୭ ଗାଁ ନିକଟ ଜାତୀୟ ରାଜପଥ ଉପରେ କାର୍ଟି ଯାଉଥିବାବେଳେ ସେଥିରେ ନିଆଁ ଲାଗି ଯାଇଥିଲା । ଖବର ପାଇ ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା ।
ଅଗ୍ନିଶମ ବାହିନୀ ନିଆଁ ଆୟତ୍ତ କରିବା ପରେ କାର୍ ଭିତରୁ ମିଳିଲା ବିପୁଳ ଗଞ୍ଜେଇ। କାର ସହ ଗଞ୍ଜେଇ ଜବତ କରି ଏମଭି-୧୭ ପୁଲିସ୍ ତଦନ୍ତ ଆରମ୍ଭ କରିଛି। ଅଗ୍ନିକାଣ୍ଡ ପରେ ଗାଡ଼ି ଛାଡ଼ି ଡ୍ରାଇଭର ଓ ଅନ୍ୟ ମାଫିଆ ଫେରାର ହୋଇଯାଇଥିବା ଜଣାଯାଇଛି।