ଡେଙ୍ଗୁ ନେଲା ମହିଳାଙ୍କ ଜୀବନ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀରେ ଡେଙ୍ଗୁ ଆତଙ୍କ। ଭୁବନେଶ୍ୱରର ଏକ ଘରୋଇ ହସ୍ପିଟାଲରେରେ ଡେଙ୍ଗୁ ଜ୍ୱରରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି। ଦୁଇ ଦିନ ତଳେ ଡେଙ୍ଗୁ ଜ୍ୱରରେ ଆକ୍ରାନ୍ତ ହୋଇ ମହିଳା ଜଣଙ୍କ ଡାକ୍ତରଖାନାରେ ଭର୍ତ୍ତି ହୋଇଥିଲେ। ମହିଳା ଜଣଙ୍କର ଡେଙ୍ଗୁରେ ମୃତ୍ୟୁ ଘଟିଥିବା ମୃତକଙ୍କ ସ୍ୱାମୀ ଓ ପୁତୁରା କହିଛନ୍ତି।</p> <p>ମୃତ ମହିଳାଙ୍କ ଯାଆ ଏବେ ଘରୋଇ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଡେଙ୍ଗୁରେ ଆକ୍ରାନ୍ତ ହୋଇ ଦୁଇ ଯାଆ ହସ୍ପିଟାଲରେରେ ଭର୍ତ୍ତି ହୋଇଥିଲେ।</p> <p>ରାଜ୍ୟରେ ଡେଙ୍ଗୁ ସ୍ଥିତି ଉଦବେଗଜନକ ବୋଲି ରାଜ୍ୟ ସ୍ୱାସ୍ଥ୍ୟ ସେବା ନିର୍ଦ୍ଦେଶକ ବ୍ରଜ କିଶୋର ବ୍ରହ୍ମା କହିଛନ୍ତି। ସେ କହିଛନ୍ତି,&ldquo;ଚଳିତ ବର୍ଷ ୨୦ ହଜାର ରକ୍ତ ନମୁନା ପରୀକ୍ଷା କରାଯାଇଥିଲା।&nbsp; ସେଥିମଧ୍ୟରୁ ୪୮ଟି ପଜିଟିଭ୍ ବାହାରିଛି। ଗତବର୍ଷ ୧୦ ହଜାର ନମୁନାରୁ ୪୫ଟି ପଜିଟିଭ୍ ମିଳିଥିଲା।&rdquo;</p> <p>&lt;a href=&quot;&quot;&gt;(image) &lt;/a&gt;ସେ ଆହୁରି କହିଛନ୍ତି,&ldquo;ଖୋର୍ଦ୍ଧା ଜିଲ୍ଲା ରାଜ୍ୟରେ ସବୁଠାରୁ ଅଧିକ ଡେଙ୍ଗୁ ପ୍ରଭାବିତ ଅଞ୍ଚଳ। ଚଳିତ ବର୍ଷ ଖୋର୍ଦ୍ଧା ଜିଲ୍ଲାରେ ୮ଟି ରକ୍ତ ନମୁନା ପଜିଟିଭ ମିଳିଛି।&rdquo;</p> <p>କିଛି ଦିନ ପୂର୍ବରୁ&nbsp; ଭୁବନେଶ୍ୱରରେ ୪ଜଣ ଡେଙ୍ଗୁ ରୋଗୀ ଚିହ୍ନଟ କରାଯାଇଥିଲା। ଏନେଇ ହସ୍ପିଟାଲ ନିର୍ଦ୍ଦେଶକ ମନୋରଞ୍ଜନ ଦାଶ କହିଥିଲେ,&ldquo;ଭୁବନେଶ୍ୱର କ୍ୟାପିଟାଲ ହସ୍ପିଟାଲ ପକ୍ଷରୁ ସ୍ୱତନ୍ତ୍ର ଡାକ୍ତରୀ ଟିମ୍ ଗଠନ କରାଯିବା ସହିତ ସମସ୍ତ &nbsp;ଔଷଧ ମହଜୁଦ ରଖାଯାଇଛି। ଡେଙ୍ଗୁ ରୋଗୀଙ୍କ ପାଇଁ ୮ ଶଯ୍ୟା ବିଶିଷ୍ଟ ଏକ ସ୍ୱତନ୍ତ୍ର ୱାର୍ଡକୁ ବି ପ୍ରସ୍ତୁତ ରଖାଯାଇଛି।&rdquo;</p> <p>ସେହିପରି କଟକରେ ବି ଡେଙ୍ଗୁ ପାଇଁ ସଜାଗ ହୋଇଛି ସିଏମ୍&zwnj;ସି। ଡେଙ୍ଗୁର ମୁକାବିଲା ପାଇଁ ମେୟରଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। ଡେଙ୍ଗୁ ବ୍ୟାପିଥିବା ଅଞ୍ଚଳକୁ ବିଶେଷ ଧ୍ୟାନ ଦିଆଯିବା ସହ କେତେକ ଓ୍ୱାର୍ଡରେ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯିବ ବୋଲି ସିଏମ୍&zwnj;ସି ପକ୍ଷରୁ କୁହାଯାଇଛି।</p> <p>https://youtu.be/2xugbmidhGg</p> <p>&amp;nbsp;</p>