ଝାରସୁଗୁଡ଼ା(ଭାଗିରଥୀ ସାହୁ): ଝାରସୁଗୁଡ଼ା ବୀର ସୁରେନ୍ଦ୍ର ସାଏ ବିମାନବନ୍ଦରରୁ ଭାୟା ଭୁବନେଶ୍ୱର ଦେଇ ବାରାଣାସୀକୁ ବିମାନସେବା ଆଜିଠାରୁ ଆରମ୍ଭ ହୋଇଛି। ଏଲାଅନସ୍ ଏୟାର୍ ପକ୍ଷରୁ ଏହି ବିମାନ ଚଳାଚଳ ଆରମ୍ଭ ହୋଇଛି। ଏହି ବିମାନରେ ୭୨ ସିଟ୍ ରହିଛି। ତେବେ ପ୍ରଥମ ଦିନରେ ଝାରସୁଗୁଡ଼ାରୁ ବାରାଣାସୀକୁ କୌଣସି ଯାତ୍ରୀ ହୋଇ ନଥିବା ବେଳେ ଆଗକୁ ଭଲ ଯାତ୍ରୀ ହେବେ ବୋଲି ବିମାନବନ୍ଦର କର୍ତ୍ତୃପକ୍ଷ ଆଶାବାଦୀ ଅଛନ୍ତି। ତେବେ ଭୁବନେଶ୍ୱରକୁ ୩୬ ଜଣ ଯାତ୍ରୀ ଯାତ୍ରା କରିଥିଲେ।
ଏହି ବିମାନଟି ଝାରସୁଗୁଡା ବିମାନବନ୍ଦରରୁ ଦିନ ୧୦ଟା ସମୟରେ ଛାଡ଼ିଥିଲା। ଅନ୍ୟପକ୍ଷରେ ବିମାନଟି ଭୁବନେଶ୍ୱରରେ ୧୧ ଟା ୦୫ ମିନିଟ ସମୟରେ ପହଞ୍ଚିବ। ଏହାପରେ ବିମାନଟି ଭୁବନେଶ୍ୱରରୁ ଦିନ ୧୨ ଟା୧୫ ମିନିଟ ସମୟରେ ଛାଡ଼ି ଥିବା ବେଳେ ବାରଣାସୀରେ ଅପରାହ୍ନ ୨ଟାରେ ପହଞ୍ଚିବ ବୋଲି ବିମାନ ବନ୍ଦର କର୍ତ୍ତୃପକ୍ଷ ସୂଚନା ଦେଇଛନ୍ତି ।
ପୁଣି ସେହି ବିମାନଟି ବାରଣାସୀରୁ ଅପରାହ୍ନ ୨ଟା୩୦ ମିନିଟ୍ରେ ଛାଡ଼ି ଭୁବନେଶ୍ୱରରେ ୪ଟା୨୦ ମିନିଟ୍ରେ ପହଞ୍ଚିବ। ଆଉ ଭୁବନେଶ୍ୱରୁ ସନ୍ଧ୍ୟା ୪ଟା୪୫ ମିନିଟ ସମୟରେ ଛାଡ଼ି ୫ଟା୫୦ରେ ଝାରସୁଗୁଡ଼ାରେ ପହଞ୍ଚିବ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
