ଏୟାରପୋର୍ଟରୁ ବିଦେଶୀ ଟଙ୍କା ସହ ସୁନା ଜବତ

<p>ଭୁବନେଶ୍ୱର( ଓଡ଼ିଶା ରିପୋର୍ଟର): ଭୁବନେଶ୍ୱର ବିମାନ ବନ୍ଦରରୁ ପୁଣି ଜବତ ହେଲା ବିଦେଶୀ ଟଙ୍କା ସହ ଲକ୍ଷାଧିକ ଟଙ୍କାର ସୁନା। ଜବତ ସୁନା ଓ ମୁଦ୍ରାର ମୂଲ୍ୟ ୨୨ ଲକ୍ଷ ୨୩ ହଜାର ଟଙ୍କା ହେବ ବୋଲି ଅନୁମାନ କରାଯାଉଛି। ଏସବୁ ବିଦେଶୀ ସୁନା ଓ ମୁଦ୍ରା ବ୍ୟାଙ୍କକ୍&zwnj;ରୁ ଏୟାର ଇଣ୍ଡିଆ ବିମାନରେ ଭୁବନେଶ୍ୱର ଆସିଥିଲା।</p> <p>ଏହି ଘଟଣାରେ କଷ୍ଟମ୍&zwnj; ଅଧିକାରୀ ୪ ଜଣଙ୍କୁ ଅଟକ ରଖି ପଚରାଉଚରା କରୁଛନ୍ତି। ଅଟକ ୪ଜଣ ଦିଲ୍ଲୀ, କୋଲକାତା ଓ କଟକ ବାସିନ୍ଦା ବୋଲି ସୂଚନା ମିଳିଛି।</p> <p>ବ୍ୟାଙ୍କକ୍&zwnj;ରୁ ଓଡ଼ିଶାକୁ ଏଭଳି ବହୁମୂଲ୍ୟ ସାମଗ୍ରୀ ଆସିବା ନୂଆ ନୁହେଁ। ଗତ ୬ ତାରିଖରେ ଜଣେ ଭାରତୀୟ ବଂଶୋଦ୍ଭଙ୍କଠାରୁ କଷ୍ଟମ ଅଫିସର ୬ଶହ ଗ୍ରାମରୁ ଅଧିକ ଓଜନର ସୁନା ଜବତ କରିଥିଲେ। ଯାହାର ଆନୁମାନିକ ମୂଲ୍ୟ ୧୯ ଲକ୍ଷରୁ ଅଧିକ ଟଙ୍କା ହେବ। ଏୟାର ଏସିଆ ବିମାନରେ ବ୍ୟାଙ୍କକରୁ କ୍ୱାଲାଲମପୁର ଦେଇ ଯାତ୍ରୀ ଜଣକ ଭୁବନେଶ୍ୱର ଆସିଥିଲେ। ତାଙ୍କ ଉପରେ ସନ୍ଦେହ ହେବାରୁ ଯାଞ୍ଚ ପରେ ସୁନା ମିଳିଥିଲା। ସେହିପରି ଗତ କିଛିଦିନ ତଳେ ମଧ୍ୟ ଭୁବନେଶ୍ୱର ବିମାନବନ୍ଦରରୁ ଚେନ୍ନାଇର ଜଣେ ସୁନା ଚୋରା ଚାଲାଣକାରୀ&nbsp;ଧରାପଡ଼ିଥିଲା।</p>