ଭୁବନେଶ୍ୱର: ଭୁବନେଶ୍ୱର ଗାଡ଼କଣରେ ପ୍ରତିଷ୍ଠା ହେବ ୪ଶହ ବେଡ୍ ବିଶିଷ୍ଟ ହସ୍ପିଟାଲ୍। ପିପିପି ମୋଡରେ ଏହାକୁ ନିର୍ମାଣ କରିବ କୋଲକାତାର କେପିସି ମେଡିକାଲ କଲେଜ ଗ୍ରୁପ୍। ଏଥିପାଇଁ ୫.୬ ଏକର ଜମି ଯୋଗାଇ ଦେବେ ରାଜ୍ୟ ସରକାର। ଏନେଇ ବୁଧବାର ଭୁବନେଶ୍ୱର ମ୍ୟୁନିସିପାଲ କର୍ପୋରେସନ ସହିତ ଚୁକ୍ତି କରିଛି କେପିସି ମେଡିକାଲ କଲେଜ ଗ୍ରୁପ। ଏଥିହିତ ବିଏମସି ଅଧୀନରେ ଥିବା ୫ଟି ଡିସପେନସାରିକୁ ହସପିଟାଲରେ ପରିଣତ କରାଯାଇ ସମୁଦାୟ ୩୪୦ ବେଡ୍ କରାଯିବ। ଏଥିରେ କପିଳପ୍ରସାଦ ଡିସପେନସାରିକୁ ୧୨୫ ବେଡ୍ ଓ ଭରତପୁର ଡିସପେନସାରିକୁ ୨୦ବେଡ୍ ବିଶିଷ୍ଟ ହସପିଟାଲ କରାଯିବ। ତା’ସହ ବ୍ରହ୍ମେଶ୍ୱରପାଟଣା, ରସୁଲଗଡ, ଭରତପୁର ଆଦି ଡିସପେନସାରିର ଉନ୍ନତିକରଣ କରାଯିବ। ଏଥିପାଇଁ ପ୍ରାୟ ୨୫୦ରୁ ୩୦୦ କୋଟି ଟଙ୍କା ବିନିଯୋଗ କରିବ କେପିସି ମେଡିକାଲ କଲେଜ ଗ୍ରୁପ୍। ଖୁବଶୀଘ୍ର ଏହାର କର୍ଯ୍ୟ ଆରମ୍ଭ ହେବାକୁ ଥିବାବେଳେ ବିଏମସି ହେଲଥ୍ ନେଟୱର୍କ ପ୍ରୋଜେକ୍ଟ ଯୋଜନାରେ ଏହା କରାଯାଉଛି ବୋଲି କହିଛନ୍ତି ବିଏମସି କମିସନର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
