ପାରଳାଖେମୁଣ୍ଡି: ଗଜପତି ଜିଲ୍ଲା ରାୟଗଡ଼ ବ୍ଲକ୍ର ବାରଘଲା ଛକ୍ରେ ଆଜି ଏକ କାର୍ ଓ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ତିନି ଜଣଙ୍କ ମୃତ୍ୟୁ ଘଟିଛି। ତିନି ଜଣ ଯାକ ବାଇକ୍ ଆରୋହୀ। ଦୁଇ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଆଉ ଜଣେ ପାରଳାଖେମୁଣ୍ଡି ଡାକ୍ତରଖାନାରେ ପ୍ରାଣ ହରାଇଥିଲେ।
ମୃତକମାନେ ରାୟଗଡ଼ ବ୍ଲକ୍ ନାରଣପୁର ଗାଁର। ସେମାନେ ହେଲେ ରିକି ଭୂୟାଁ, ନିରଞ୍ଜନ ଭୂୟାଁ ଓ ରୋହିତ ପ୍ରଧାନ। ସେମାନେ ଗଣ୍ଡାହାତୀ ଜଳପ୍ରପାତ ଦେଖିବାକୁ ଯାଇଥିଲେ। ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା।
ଏହି ଦୁର୍ଘଟଣାକୁ ନେଇ ଉତ୍ତ୍ୟକ୍ତ ଲୋକେ କିଛି ସମୟ ପାଇଁ ରାସ୍ତାରୋକ କରିବାରୁ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା।