ବାଲିଗୁଡ଼ା(ଅଜିତ ନାୟକ): କନ୍ଧମାଳ ଜିଲ୍ଲାର ଜୈବ ବିବିଧତା ଭରା ମଣ୍ଡାସରୁ ଇକୋ ଟୁରିଜିମଠାରେ ପ୍ରଥମ ଥର ପାଇଁ ‘ଗାଡ଼ଙ୍ଗକୁଟି ମହୋତ୍ସବ-୨୦୨୦’ ଅନୁଷ୍ଠିତ ହୋଇଯାଇଛି। ୩ ଦିନ ଧରି ଆୟୋଜିତ ହେବାକୁ ଥିବା ଏହି ମହୋତ୍ସବକୁ ବିରୋଧୀ ଦଳ ନେତା ପ୍ରଦୀପ ନାୟକ ମୁଖ୍ୟ ଅତିଥିଭାବେ ଯୋଗ ଦେଇ ଉଦ୍ଘାଟନ କରିଛନ୍ତି ।
ଅନ୍ୟତମ ଅତିଥିଭାବେ ବିଜେପି ମୁଖ୍ୟ ସଚେତକ ମୋହନ ମାଝୀ ଓ ବିଜେପି ସାଧାରଣ ସମ୍ପାଦକ ଭୃଗୁ ବକ୍ସି ପାତ୍ର ଯୋଗ ଦେଇଥିଲେ ।
ମହୋତ୍ସବ କମିଟି ତଥା ଅଞ୍ଚଳବାସୀ ବିଭିନ୍ନ ସାଂସ୍କୃତିକ ନୃତ୍ୟ ଗୀତରେ ଅତିଥିଙ୍କୁ ସ୍ୱାଗତ ଜଣାଇବା ସହ ମଞ୍ଚ ନିକଟକୁ ପାଛୋଟି ନେଇଥିଲେ। ଏହି ମହୋତ୍ସବ ଦେଖିବାକୁ ଅଞ୍ଚଳବାସୀଙ୍କ ଭିଡ ଦେଖିବାକୁ ମିଳିଥିଲା।