ଏମିତି କାମ କଲେ, ଯୁବତୀଙ୍କଠାରୁ ଜୋତା ମାଡ଼ ଖାଇଲେ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀରେ ଚଳନ୍ତା ବସ୍&zwnj;ରେ ଜଣେ ଯୁବତୀଙ୍କୁ ଅସଦାଚରଣ କରାଯାଇଥିବା ଅଭିଯୋଗ ହୋଇଛି। ଖଣ୍ଡଗିରି ଅଞ୍ଚଳରେ ଏହି ଘଟଣା ଘଟିଥିବା ଜଣାପଡ଼ିଛି।</p> <p>ଅଭିଯୋଗ ଅନୁସାରେ, ଯୁବତୀ ଜଣକ ସିଟି ବସ୍&zwnj;ରେ ଯାଉଥିଲେ। ଏହି ସମୟରେ ପାଖ ସିଟ୍&zwnj;ରେ ବସିଥିବା ଜଣେ ଯୁବକ ଯୁବତୀ ଜଣଙ୍କୁ ବାରମ୍ବାର ଛୁଇଁବାକୁ ପ୍ରୟାସ କରିଥିଲେ। ଶେଷରେ ଯୁବତୀ ଜଣଙ୍କ ବିରକ୍ତି ହୋଇ ସିଟ୍&zwnj;ରୁ ଉଠିପଡ଼ି ବଡ଼ ପାଟିରେ ଚିଲ୍ଲାଇବା ସହ ସଂପୃକ୍ତ ଯୁବକଙ୍କୁ ଗାଳିଗୁଲଜ କରିଥିଲେ। ଯୁବକ ଜଣଙ୍କୁ ବସ୍&zwnj;ରୁ ଓହ୍ଲାଇ ଯିବା ପାଇଁ କହିଥିଲେ।</p> <p>ତେବେ ଯୁବତୀଙ୍କ ସମସ୍ତ ଅଭିଯୋଗକୁ ସଂପୃକ୍ତ ଯୁବକ ଅସ୍ୱୀକାର କରିଥିଲେ ଏବଂ ବସ୍&zwnj;ରୁ ଓହ୍ଲାଇବା ପାଇଁ ରାଜି ହୋଇ ନ ଥିଲେ। ଫଳରେ ଯୁବତୀ ଜଣକ ସମ୍ପୃକ୍ତ ଯୁବକଙ୍କୁ ଜୋତାରେ ପିଟିଥିଲେ। ଏହି ଘଟଣାକୁ ନେଇ ବସ୍ ମଧ୍ୟରେ ଉତ୍ତେଜନା ଦେଖା ଦେଇଥିଲା। ବସ୍&zwnj;ରେ ଥିବା ଅନ୍ୟ ଯାତ୍ରୀ ଏହାକୁ ବିରୋଧ କରିଥିଲେ। ଶେଷରେ ସଂପୃକ୍ତ ଯୁବକଙ୍କୁ ବସ୍&zwnj; ଓହ୍ଲାଇ ଦିଆଯାଇଥିଲା।</p>