ବାହା ହେବାକୁ ଆସିଲାନି ବର: ଝିଅ ଘର କହିଲେ, କୋଟିଏ ମାଗିଥିଲେ

<p>ଅନୁଗୋଳ(ଓଡ଼ିଶା ରିପୋର୍ଟର): ଦାବି ମୁତାବକ କୋଟିଏ ଟଙ୍କା ଦେଇପାରିଲେନି କନ୍ୟାଘର। ଫଳରେ ବାହା ହେବାକୁ ଆସିଲାନି ବର। ବେଦୀରୁ ନିରାଶ ହୋଇ ଫେରିଲେ କନ୍ୟା। ଏଭଳି ଏକ ଅଭାବନୀୟ ଘଟଣା ଘଟିଛି ଅନୁଗୋଳ ଜିଲ୍ଲାରେ।</p> <p>ଗତକାଲି &nbsp;ଜିଲ୍ଲାର ତାମଡ଼ା କଲ୍ୟାଣ ମଣ୍ଡପରେ ଏକ ବିବାହ କାର୍ଯ୍ୟକ୍ରମ ଥିଲା।&nbsp; ଏଥିପାଇଁ କନ୍ୟା ପକ୍ଷରୁ ସବୁ ପ୍ରସ୍ତୁତି ସରିଥିଲା କେବଳ ଅପେକ୍ଷା ଥିଲା ବର ଓ ବରଯାତ୍ରୀଙ୍କୁ। ହେଲେ ବିଳମ୍ବିତ ରାତି ହୋଇଯାଇଥିଲେ ହେଁ ବର ଆସି ନ ଥିଲା।&nbsp; ଫଳରେ ମଙ୍ଗୁଳା ହୋଇ ବସିଥିବା କନ୍ୟା ନିରାଶ ହୋଇ ଫେରିଥିଲେ। ପରେ ସେ ଏ ନେଇ ଥାନାରେ ଦ୍ୱାରସ୍ଥ ହୋଇଛନ୍ତି।</p> <p>କନ୍ୟାଙ୍କ ଅଭିଯୋଗ ଅନୁସାରେ, ନିର୍ବନ୍ଧ ବେଳେ କନ୍ୟା ପକ୍ଷରୁ ବର ପକ୍ଷଙ୍କୁ ୨୦ ଲକ୍ଷ ଟଙ୍କା ଦିଆଯାଇଥିଲା। ତେବେ ଗତକାଲି ସକାଳେ ବର ପକ୍ଷରୁ ଯୌତୁକ ବାବଦରେ ୧ କୋଟି ଟଙ୍କା ଦାବି କରାଯାଇଥିଲା। ହେଲେ କନ୍ୟାପିତା ଏହା ଦେବାକୁ ଅକ୍ଷମତା ପ୍ରକାଶ କରିଥିଲେ।&nbsp; ଫଳରେ ବର ଆସି ନ ଥିବା ଜଣାପଡ଼ିଛି।&nbsp; ଉଭୟ ବର ଓ କନ୍ୟା ସଫଟେଓ୍ୱର୍ ଇଞ୍ଜିନୟିର ଭାବେ&nbsp; କାମ କରୁଛନ୍ତି।&nbsp; କନ୍ୟା ବେଙ୍ଗାଲୁରୁରେ ଏକ&nbsp; କମ୍ପାନୀରେ କାମ କରୁଥିବା ବେଳେ ବର ଆମେରିକାରେ କାମ କରୁଛନ୍ତି।&nbsp; ତେବେ ଯୌତୁକ ପାଇଁ ବର ନ ଆସିବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି।&nbsp; ସେପଟେ ପୋଲିସ ବରପକ୍ଷ ନାଁରେ ମାମଲା ରୁଜୁ କରି ତଦନ୍ତ କରୁଛି।</p> <p>କନ୍ୟା&nbsp; କହିଛନ୍ତି,&ldquo;ବର ଘର ପକ୍ଷରୁ କୋଟିଏ ଟଙ୍କା ଯୌତୁକ ଦାବି କରାଯାଇଥିଲା। କୋଟିଏ ଟଙ୍କା ନ ଦେଲେ ବିବାହ ହୋଇପାରିବନି ବୋଲି ବିବାହ ଦିନ ବର ଘର ପକ୍ଷରୁ କୁହାଯାଇଥିଲା। ଆଗରୁ ଏ ବିଷୟରେ କହି ନଥିଲେ।। ଆମେ ତାଙ୍କ ଦାବି ପୂରଣ କରିପାରିଲୁ ନାହିଁ। ବିବାହ ହୋଇପାରିନାହିଁ। ବିବାହ ଦିନ ପୁଅ ଫେରାର ହୋଇଗଲା। ମୋତେ ନ୍ୟାୟ ଦରକାର।&rdquo;</p> <p>ଅନୁଗୋଳ ଏସଡିପିଓ ହରିହର ପାଣି କହିଛନ୍ତି, &ldquo;ଅନୁଗୋଳ ଥାନାରେ ପୁଅ, ପୁଅର ବାପା,ମାଆ, କକାଓ ଖୁଡ଼ୀ ନାଁରେ ମାମଲା ଦାୟର&nbsp; ହୋଇଛି। ଏହି ଘଟଣାର ତଦନ୍ତ ଚାଲିଛି। ଫେରାର ହୋଇଯାଇଥିବା ପୁଅ କିପରି ଆମେରିକା ଯାଇପାରିବ ନାହିଁ ଆମେ ତା&rsquo;ର ବ୍ୟବସ୍ଥା କରୁଛୁ।&rdquo;</p>