ଗୁରୁପ୍ରିୟା ସେତୁ କାମ ସମୀକ୍ଷା କଲେ କେବିକେ ମୁଖ୍ୟ ପ୍ରଶାସକ

ମାଲକାନଗିରି: ମାଲକାନଗିରି ବିଚ୍ଛିନ୍ନାଞ୍ଚଳକୁ ସଂଯୋଗ ପାଇଁ ନିର୍ମାଣଧୀନ ଗୁରୁପ୍ରିୟା ସେତୁ କାମର ସମୀକ୍ଷା କରିଛନ୍ତି କେବିକେ ମୁଖ୍ୟ ପ୍ରଶାସକ ତାରା ଦତ୍ତ। କାମରେ ବିଳମ୍ୱକୁ ନେଇ ସେ ଠିକା ନେଇଥିବା କମ୍ପାନୀ କତ୍ତୁର୍ପକ୍ଷକୁ ତାଗିଦ୍ କରିଛନ୍ତି। ଏବେ ସୁଧା ସେତୁର ୬ଟି ପିଲାର୍ ନିର୍ମାଣ ସରିବା କଥା। ମାତ୍ର ଏବେ ଯାଏ ଦୁଇଟିର କାମ ସରିଛି। ଧାର୍ଯ୍ୟ ସମୟ ଅନୁସାରେ କାମ ନ ହେଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି। ସେହିପରି ତାରା ଦତ୍ତ ସେତୁର ସୁରକ୍ଷା ଦାୟିତ୍ୱରେ ଥିବା ବିଏସ୍ଏଫ କ୍ୟାମ୍ପକୁ ଯାଇ ଅଧିକାରୀମାନଙ୍କ ସହ ଆଲୋଚନା କରିଛନ୍ତି। କାମ ତ୍ୱରାନ୍ୱିତ ନେଇ ସେ ଆର୍ ଆଣ୍ଡ ବି ବିଭାଗର ଅଧିକାରୀମାନଙ୍କ ସହ ମଧ୍ୟ ଆଲୋଚନା କରିଛନ୍ତି। ଲଗାଣ ବର୍ଷା ଯୋଗୁଁ କାମରେ ବିଳମ୍ୱ ହେଉଥିବା ଡେପୁଟି ନିର୍ବାହୀ ଯନ୍ତ୍ରୀ କହିଛନ୍ତି। ଗତ ୨୬ ତାରିଖରେ ମାଓବାଦୀମାନେ ବିଚ୍ଛିନ୍ନାଞ୍ଚଳରେ ବିସ୍ଫୋରଣ କରିଥିଲେ। ଫଳରେ କାମ ସାମୟିକ ବନ୍ଦ ରହିଥିଲା।