ବିଚ୍ଛିନ୍ନାଞ୍ଚଳରେ ଆୟୁଷ ଡାକ୍ତରଙ୍କ ଉପରେ ନାହିଁ ରୋଗୀଙ୍କ ଭରସା, କ୍ୱାକ୍‌ଙ୍କ ହାତରେ ଚିକିତ୍ସା ସେବାର ଭାଗ୍ୟ

<p>ମାଲକାନଗିରି (ଓଡ଼ିଶା ରିପୋର୍ଟର): କ୍ୱାକ୍&zwnj;ଙ୍କ ହାତରେ ଜୀବନ। ମାଲକାନଗିରି ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳର ହଜାର ହଜାର ଲୋକଙ୍କ ଭରସା ପାଲଟିଛନ୍ତି ନକଲିଡାକ୍ତର(କ୍ୱାକ୍&zwnj;)। ଏଠାରେ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଥିଲେ ମଧ୍ୟ ଡାକ୍ତର ନାହାଁନ୍ତି। ଯାହାର ଫାଇଦା ନେଉଛନ୍ତି କ୍ୱାକ୍। ଆଉ ଉପଯୁକ୍ତ ଚିକିତ୍ସା ଅଭାରୁ ଅକାଳରେ ଯାଉଛି ଅନେକ ଅମୂଲ୍ୟ ଜୀବନ।</p> <p>ବିଚ୍ଛିନ୍ନାଞ୍ଚଳର ୯ଟି ପଞ୍ଚାୟତ ଅଧିନରେ ଅଛି ୧୫୧ଟି ଗାଁ। ଏଠାରେ ବସବାସ କରୁଥିବା ୩୦,୦୦୦ରୁ ଅଧିକ ଲୋକଙ୍କ ପାଇଁ ଜାନବାଇରେ ରହିଛି ଏକ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର। ତେବେ ଏଠି ଏମ୍&zwnj;ବିବିଏସ୍&zwnj; ବଦଳରେ ଅଛନ୍ତି ଜଣେ ଆୟୂଷ ଡାକ୍ତର। ରୋଗୀ ଏଠାକୁ ଆସିବା ପରିବର୍ତ୍ତେ କ୍ୱାକ୍&zwnj;ଙ୍କ ପାଖକୁ ଯିବାକୁ ବେଶୀ ପସନ୍ଦ କରନ୍ତି। ଆଉ ସେଠାରେ ଭଙ୍ଗା ଘରେ ଚିକିତ୍ସିତ ହେଉଛନ୍ତି। ଆଉ କେଉଁଠି ଗଛ ମୂଳରେ ରୋଗୀ ଚିକିତ୍ସିତ ହେଉଥିବା ଦେଖିବାକୁ ମିଳିଛି।</p> <p>ରୋଗୀଙ୍କ ସଂପର୍କୀୟ କହିଛନ୍ତି-&ldquo;ଡାକ୍ତର କିଏ। ସେମାନଙ୍କୁ ତ ଆମେ ଚିହ୍ନିନାହୁଁ। ଡାକ୍ତର ତ ଆମ ଗାଁକୁ ଆସିନି।&rdquo;</p> <p>&lt;a href=&quot;&quot;&gt;(image) &lt;/a&gt;</p> <p>ସ୍ୱାସ୍ଥ୍ୟସେବାର ଆଉ ଏକ ନମୂନା ଦେଖନ୍ତୁ। ଶାଗ ପନିପରିବା ଓ ଶୁଖୁଆ ସହ ମେଲିଛି ଔଷଧର ପସରା। କ୍ୱାକ୍ ଲେଖନ୍ତି ଆଉ ରୋଗୀ ଆସି ଏଠୁ ଔଷଧ ନିଅନ୍ତି। ତେବେ ଅନେକ ସମୟରେ କ୍ୱାକ୍ ଓ ଔଷଧ ବେପାରୀ ସେମାନଙ୍କୁ ଶୋଷଣ କରୁଥିବା ବିଚ୍ଛିନ୍ନାଞ୍ଚଳବାସୀ ଅଭିଯୋଗ କରିଛନ୍ତି।&nbsp;&nbsp; ଜିଲ୍ଲାରେ ସ୍ୱାସ୍ଥ୍ୟସେବାର ଏ ବିଚିତ୍ର ସ୍ଥିତି ସଂପର୍କରେ ମତାମତ ନେବାକୁ ଉଦ୍ୟମ କରାଯାଇଥିଲେ ମଧ୍ୟ କ୍ୟାମେରା ଆଗରେ କିଛି କହିବାକୁ ମନା କରିଥିଲେ ସିଡିଏମ୍ଓ। ଅବଶ୍ୟ ବିନା କ୍ୟାମେରାରେ ସଫେଇ ଦେଇ କହିଥିଲେ ଜିଲ୍ଲାରେ କ୍ୱାକ୍ ନାହାନ୍ତି। ଅନ୍ୟପକ୍ଷରେ ଚିତ୍ରକୋଣ୍ଡା ତହସିଲଦାର ଫାଲଗୁନି ମାଝୀ କହିଛନ୍ତି, ଉପରିସ୍ଥ ଅଧିକାରୀଙ୍କୁ ଜଣାଇବି।</p> <p>https://youtu.be/Q9x2hyIU9Gk</p>