ଭୁବନେଶ୍ୱର: ହୀରାଖଣ୍ଡ ଏକ୍ସପ୍ରେସ୍ ଦୁର୍ଘଟଣାରେ ରେଲୱେ ସେଫ୍ଟି କମିଶନରଙ୍କ ତଦନ୍ତ ଜାରି ରହିଛି। ଆଜି ସେଫ୍ଟି କମିଶନର ରାମ କ୍ରିପାଲ ବିଶାଖାପାଟଣା ସ୍ଥିତ ଡିଆରଏମ୍ କାର୍ଯ୍ୟାଳୟକୁ ଯାଇ ତଥ୍ୟ ସଂଗ୍ରହ କରିଥିଲେ। ଘଟଣା ଦିନ କାର୍ଯ୍ୟରତ ପାର୍ବତୀପୁରମ ଓ କୁନେରୁ-ରାୟଗଡ଼ା ଷ୍ଟେସନ୍ ମଧ୍ୟରେ ଦାୟିତ୍ୱରେ ଥିବା ୭ ଅଫିସରଙ୍କ ସମେତ ୨୫ ଜଣ କର୍ମଚାରୀଙ୍କୁ ପଚରାଉଚରା କରିଥିଲେ। ଏହି ସମୟରେ ଇଷ୍ଟକୋଷ୍ଟ ରେଲୱେ ଡିଆରଏମ୍ ଚନ୍ଦ୍ରଲେଖା ମୁଖାର୍ଜୀ ଉପସ୍ଥିତ ଥିଲେ।
ଗତକାଲି କମିଶନର ରାମକ୍ରିପାଲ ଦୁର୍ଘଟଣାସ୍ଥଳକୁ ଯାଇ ଅନୁଧ୍ୟାନ କରିଥିଲେ।
ଗତ ଶନିବାର ରାତି ପ୍ରାୟ ୧୧ଟା ବେଳେ ଆନ୍ଧ୍ର-ଓଡ଼ିଶା ସୀମା କୁନେରୁ ଷ୍ଟେସନ ନିକଟରେ ହୀରାଖଣ୍ଡ ଏକ୍ସପ୍ରେସ୍ ଦୁର୍ଘଟଣା ଗ୍ରସ୍ତ ହୋଇଥିଲା। ଦୁର୍ଘଟଣାରେ ୪୧ ଜଣଙ୍କର ମୃତ୍ୟୁ ହୋଇଥିବା ବେଳେ ୫୦ ଜଣରୁ ଅଧିକ ଆହତ ହୋଇଥିଲେ।