ନାହିଁ ନାହିଁରେ ଚାଲିଛି ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟ, ମିଳୁନି ଆବଶ୍ୟକୀୟ ସୁବିଧା

<p>ଭଦ୍ରକ( ତପନ ସ୍ୱାଇଁ): ବାହାର, ଭିତର ସବୁଠି ରୋଗୀ ହାଉଜାଉ ହେଉଛନ୍ତି। ହେଲେ ଚିକିତ୍ସା ପାଇଁ ନା ଅଛନ୍ତି ଆବଶ୍ୟକୀୟ ଡାକ୍ତର ନା ଅଛି ସରଞ୍ଜାମ। ଅଲଟ୍ରା ସାଉଣ୍ଡ ରୁମରେ ଝୁଲୁଛି ତାଲା।&nbsp; ଟ୍ରମା କେୟାର ସେଣ୍ଟରରେ ଅତ୍ୟାଧୁନିକ ଯନ୍ତ୍ରପାତି ଖତ ଖାଉଛି । ପୁଣି ବେଡ୍ ନ ପାଇ ରୋଗୀ କେଉଁଠି ବାରଣ୍ଡା ତ ଆଉ କେଉଁଠି ପାଇଖାନା ପାଖରେ ଜମାଇଛନ୍ତି ଆସ୍ଥାନ। ଏଭଳି ଅଭିଯୋଗ ଆସିଛି ଭଦ୍ରକ ଜିଲ୍ଲା ମୁଖ୍ୟର ଚିକିତ୍ସାଳୟରୁ।</p> <p>ଜିଲ୍ଲାର ବିଭିନ୍ନ ଅଞ୍ଚଳର ଲୋକେ ଏହି ସରକାରୀ ଡାକ୍ତରଖାନା ଉପରେ ନିର୍ଭର କରନ୍ତି। ହେଲେ ଆବଶ୍ୟକୀୟ ଚିକିତ୍ସା ଓ ଆନୁସଙ୍ଗିକ ସୁବିଧା ସୁଯୋଗ ନଥିବାରୁ ଆସୁଥିବା ରୋଗୀ ନାନା ଅସୁବିଧାର ସମ୍ମୁଖୀନ ହେଛନ୍ତି। ଏନେଇ ବାରମ୍ବାର ଅଭିଯୋଗ ପରେ ବି ପରିସ୍ଥିତିରେ ସୁଧାର ଆସୁ ନ ଥିବାବେଳେ ଏନେଇ ଜନଅସନ୍ତୋଷ ବଢି ବଢି ଚାଲିଛି। ମେଡିସିନ୍, ରେଡିଓଲୋଜି ଏବଂ ଇଏନଟି ଭଳି ଗୁରୁତ୍ୱପୂର୍ଣ୍ଣ ବିଭାଗରେ ଡାକ୍ତର, ଷ୍ଟାଫ୍ ନର୍ସ ଏବଂ କର୍ମଚାରୀଙ୍କ&nbsp; ଅଭାବ ରୋଗୀଙ୍କୁ ନିରାଶ କରିଛି। ଅନ୍ୟପକ୍ଷରେ ୬୬ ଜଣ ଡାକ୍ତରଙ୍କ ବଦଳରେ ଏଠାରେ ଅଛନ୍ତି ମାତ୍ର ୩୪ ଜଣ ଡାକ୍ତର ଅଛନ୍ତି।</p> <p>ସିଡିଏମଓ ଡାକ୍ତର ଏମ୍&zwnj;ଡି. ଅବଦୁଲ ରସିଦ୍ କହିଛନ୍ତି,&ldquo; ସମସ୍ୟା ନେଇ ସରକାରଙ୍କୁ ଜଣାଇଛୁ, ଖୁବ୍ ଶୀଘ୍ର ସମସ୍ୟାର ସମାଧାନ ହେବ।&rdquo;</p> <p>ରୋଗୀ ସଂଖ୍ୟା ବଢୁଥିବାବେଳେ ଡାକ୍ତର ଅଭାବ ସମସ୍ୟାକୁ ଦ୍ୱିଗୁଣିତ କରିଛି। ଶୀଘ୍ର ଏନେଇ ପଦକ୍ଷେପ ନେଇ ପାରିଲେ ସ୍ଥାନୀୟ ଅଂଚଳରେ ଲୋକେ ଉପକୃତ ହେବେ ବୋଲି ଆଶା ରଖିଛନ୍ତି।</p>