ଦୁଇଟି ଯାକ ଦାୟିତ୍ୱ ପାଇଁ ମୁଁ ପ୍ରସ୍ତୁତ: ସତ୍ୟ ନାରାୟଣ ପ୍ରଧାନ

ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଆ  ଆଇପିଏସ୍ ସତ୍ୟ ନାରାୟଣ ପ୍ରଧାନ।  ଆଗରୁ ସେ ଏନ୍‌ଡିଆରଏଫ ଡିଜି ଥିବା ବେଳେ ଏବେ ତାଙ୍କୁ ଆଉ ଏକ ଗୁରୁ ଦାୟିତ୍ୱ ମିଳିଛି ।  କେନ୍ଦ୍ର ସରକାର ତାଙ୍କୁ ନାର୍କୋଟିକ୍ସ କଣ୍ଟ୍ରୋଲ  ବ୍ୟୋରୋର ମହାନିର୍ଦ୍ଦେଶକ ଭାବେ ନିଯୁକ୍ତି ଦେଇଛନ୍ତି ।  ରାକେଶ ଅସ୍ଥାନା ଦିଲ୍ଲୀ ପୁଲିସ କମିଶନର ହେବା ପରେ ତାଙ୍କ ସ୍ଥାନରେ ସତ୍ୟନାରାୟଣଙ୍କୁ ଏନସିବିର ମୁଖ୍ୟ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି । ଏହି ଅବସରରେ ଓଟିଭିକୁ ସେ କହିଛନ୍ତି, ଦୁଇଟି ଯାକ ଚ୍ୟାଲେଞ୍ଜ ପାଇଁ ସେ ପ୍ରସ୍ତୁତ। ଏନ୍‌ସିବିର ମୁଖ୍ୟ ଭାବେ ଡ୍ରଗ୍ସ କାରବାରର ମୂଳକୁ ଯାଇ ତାକୁ ଶେଷ କରିବାକୁ ତାଙ୍କର ମିଶନ ଅଛି। ଓଡ଼ିଶାକୁ ସମୁଦ୍ର ପଥରେ ମଧ୍ୟ ଡ୍ରଗ୍ସ ଆସୁଥିବାରୁ ଏହାକୁ ରୋକିବାକୁ ପଦକ୍ଷେପ ନିଆଯିବ ବୋଲି ସତ୍ୟନାରାୟଣ ପ୍ରଧାନ କହିଛନ୍ତି।