ଭୁବନେଶ୍ୱର(ଓଡ଼ିଶା ରିପୋର୍ଟର) ପରିବା ବୋଝେଇ ଟ୍ରକରେ କୁଇଣ୍ଟାଲ କୁଇଣ୍ଟାଲ ଗଞ୍ଜେଇ ଓଡ଼ିଶାରୁ ବେଙ୍ଗଲୁରୁ ଚୋରାଚାଲାଣ ହେଉଛି । ଗତ କିଛି ଦିନ ଧରି ବେଙ୍ଗଲୁରୁରେ ଡ୍ରଗ୍ସ ଓ ଗଞ୍ଜେଇ ରାକେଟକୁ ଧରିବାକୁ ଅପରେସନ ଜାରି ରଖିଥିବା ବେଙ୍ଗଲୁରୁ ପୋଲିସ ହାତରେ ଲାଗିଛି ଓଡ଼ିଶା ଲିଙ୍କ୍ ର ସୁରାକ । ଓଡ଼ିଶାରୁ ଗଞ୍ଜେଇ ଆସି ବେଙ୍ଗଲୁରୁ ସହରରେ ବିକ୍ରି ହେଉଛି ବୋଲି କହିଛନ୍ତି ବେଙ୍ଗଲୁରୁ ପୋଲିସ । କମିଶନର ଡ. କମଲ ପନ୍ଥ କହିଛନ୍ତି କର୍ଣ୍ଣାଟକର ଗୁଲବର୍ଗା ସିଟିରୁ ବେଙ୍ଗଲୁରୁ ସହର ଭିତରକୁ ଆସୁଥିବା ସାଢ଼େ ୧୩ କ୍ୱିଣ୍ଟାଲ ଗଞ୍ଜେଇ ଜବତ ପରେ ପୋଲିସ କମିଶନର ଏନେଇ ସୂଚନା ଦେଇଛନ୍ତି ।
ସେ କହିଛନ୍ତି ଯେ, ଆଜି ଜବତ ହୋଇଥିବା ୪୬ ବ୍ୟାଗ ଗଞ୍ଜେଇ ଚାଲାଣର ଲିଙ୍କ ଓଡ଼ିଶା ସହ ଥାଇପାରେ । ଏଣୁ ଏ ଦିଗରେ ମଧ୍ୟ ତଦନ୍ତ କରାଯାଉଛି ବୋଲି ସେ କହିଛନ୍ତି । ସକାଳେ ଗୋଟିଏ ପରିବା ବୋଝେଇ ଟ୍ରକ ଭିତରୁ ସାଢ଼େ ୧୩ କ୍ୱିଣ୍ଟାଲ ଓଜନର ୪୬ ବସ୍ତା ଗଞ୍ଜେଇ ଜବତ ହୋଇଥିଲା । ଏହାସହ ଗଞ୍ଜେଇ ଚାଲାଣରେ ସଂପୃକ୍ତ ଥିବା ୬ ଜଣଙ୍କୁ ପୋଲିସ ଗିରଫ କରାଯିବା ସହ ଶେଷାଦ୍ରିପୁରମ ଥାନାରେ ମାମଲା ରୁଜୁ କରାଯାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
