ବାହାରକୁ କେମିତି ଆସିଲା ଶ୍ରୀମନ୍ଦିର ଜଗମୋହନ ଭିତର ଫଟୋ?

<p>ପୁରୀ(ଓଡ଼ିଶା ରିପୋର୍ଟର): ସୋସିଏଲ୍ ମିଡିଆରେ ଭାଇରାଲ ହେଲା ଶ୍ରୀମନ୍ଦିର ଜଗମୋହନ ଭିତର ଫଟୋ। ଫଟୋଟି ସଦାନନ୍ଦ ଶର୍ମାଙ୍କ ଆକାଉଣ୍ଟରୁ ଭାଇରାଲ କରାଯାଇଥିବା ଚର୍ଚ୍ଚା ହେଉଛି। ସେ ସିଆଇଏମ୍&zwnj;ଏସ୍&zwnj;ଆର ଧାନବାଦର ଜଣେ ବରିଷ୍ଠ ବିଶେଷଜ୍ଞ। ଶ୍ରୀମନ୍ଦିର ଗର୍ଭଗୃହ ମରାମତି କାର୍ଯ୍ୟରେ ସହଯୋଗ କରିଥିଲେ। ସେ ନିଜ ଭୁଲ ସ୍ୱୀକାର କରିଥିବା ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ ଜେନା କହିଛନ୍ତି।</p> <p>ଶ୍ରୀମନ୍ଦିର ଜଗମୋହନ ଭିତର ଫଟୋ ଭାଇରାଲ ହେବାକୁ ନେଇ ବିଭିନ୍ନ ମହଲରେ ଉଦ୍&zwnj;ବେଗ ପ୍ରକାଶ ପାଇବା ପରେ ଶ୍ରୀମନ୍ଦିର ସଂସ୍କାର କମିଶନ ଜଷ୍ଟିସ୍&zwnj; ବିପି ଦାସ ଆଇନ୍&zwnj; ସଚିବ, ଶ୍ରୀମନ୍ଦିର ପ୍ରଶାସକ, ପୁରୀ ଜିଲ୍ଲାପାଳ ଓ ଏସ୍&zwnj;ପିଙ୍କୁ ରିପୋର୍ଟ ମାଗିଛନ୍ତି। ୧୦ ଦିନ ଭିତରେ ରିପୋର୍ଟ ଦେବାକୁ କମିଶନ ନିର୍ଦ୍ଦେଶ ଦେଇଛନ୍ତି। ଏହାଛଡ଼ା ଫଟୋ ଭାଇରାଲ ଘଟଣାରେ ଦୋଷୀଙ୍କୁ ଚିହ୍ନଟ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି କମିଶନ ନିର୍ଦ୍ଦେଶ ଦେଇଛନ୍ତି।</p> <p>ଶ୍ରୀମନ୍ଦିର ଜଗମୋହନ ମରାମତି କାର୍ଯ୍ୟ ଚାଲିଥିଲା। ମରାମତି କାମ ଚାଲିଥିବା ବେଳେ ଏଆଇଏସ୍&zwnj; ବୈଷୟିକ କମିଟିର ମୁଖ୍ୟ ଏନ.ସି. ପଲ ଉପସ୍ଥିତ ଥିବା ବେଳେ ଏହି ଫଟୋ ଉଠାଇଯାଇଥିବା ଜଣାପଡ଼ିଛି।</p>