ଜଳେଶ୍ୱର ଥାନା ଆଇଆଇସି ନିଲମ୍ବିତ

ବାଲେଶ୍ୱର(ଓଡ଼ିଶା ରିପୋର୍ଟର) : କ୍ଷମତାର ଦୂରୁପଯୋଗ ଅଭିଯୋଗରେ ନିଲମ୍ବିତ ହୋଇଛନ୍ତି ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଆଇଆଇସି  । IIC ଧନେଶ୍ୱର ସାହୁଙ୍କୁ ନିଲମ୍ବନ ନେଇ ଟ୍ୱିଟ୍ କଲେ ଡିଜିପି।

କିଛି ଦିନ ପୂର୍ବେ ଆଇଆଇସିଙ୍କ  ଏକ ଅଡିଓ ଭାଇରାଲ  ହୋଇଥିଲା। ଉକ୍ତ ଅଡିଓରେ  ଆଇଆଇସି ଅପର ପାର୍ଶ୍ୱ ବ୍ୟକ୍ତିଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ଧମକ  ଦେଉଥିଲେ। ବିଭିନ୍ନ ଗଣମାଧ୍ୟମରେ ଏହା ପ୍ରକାଶିତ ହୋଇଥିଲା।

ଏହାପରେ ଘଟଣାର ତଦନ୍ତ ପାଇଁ ଗତକାଲି ବାଲେଶ୍ୱର ଜିଲ୍ଲା ଆଡିସନାଲ ଏସ୍‌ପି  ଗୋବିନ୍ତଦ ସେଠୀ ତଦନ୍ତ ପାଇଁ ଜଳେଶ୍ୱର ଯାଇଥିଲେ। ଆଜି ଡିଜିପି ଆଇଆଇସି ଧନେଶ୍ୱର ସାହୁଙ୍କୁ ନିଲମ୍ବନ  କରିଥିବା ନେଇ ଟ୍ୱିଟ କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।