ବରଗଡ଼(ଓଡ଼ିଶା ରିପୋର୍ଟର): ଜାନୁଆରୀ ୧୧ରୁ ଆରମ୍ଭ ହେବ ବିଶ୍ୱପ୍ରସିଦ୍ଧ ବରଗଡ଼ ଧନୁଯାତ୍ରା। ୧୧ ଦିନ ଧରି ଦୁଲୁକିବ ସର୍ବବୃହତ୍ତ ମୁକ୍ତାକାଶ ରଙ୍ଗମଞ୍ଚ। ଧନୁଯାତ୍ରା ପାଇଁ ଆଜି ବରଗଡ଼ ଜିଲ୍ଲାପାଳ ଇନ୍ଦ୍ରମଣି ତ୍ରିପାଠୀଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକରେ ତାରିଖ ଘୋଷଣା ହୋଇଛି।
ବରଗଡ଼କୁ ମଥୁରା ନଗରୀ, ଅମ୍ବାପାଲିକୁ ଗୋପପୁର, ଜୀରା ନଦୀକୁ କିଭଳି ଯମୁନା ନଦୀରେ ରୂପାନ୍ତରିତ କରାଯିବା ଉପରେ ଆଜିର ବୈଠକରେ ଆଲୋଚନା ହୋଇଛି। ପରବର୍ତ୍ତୀ ବୈଠକରେ କଳାକାର ଚୟନ ନେଇ ଆଲୋଚନା ହେବ। ଆଜିର ବୈଠକରେ ଏସ୍ପି ମୁକେଶ ଭାମୁ, ବିଧାୟକ ଦେବେଶ ଆଚାର୍ଯ୍ୟ, ସାଂସଦ ପ୍ରଭାସ ସିଂ, ଧନୁଯାତ୍ରା କମିଟି ସମ୍ପାଦକ ସୁରେଶ୍ୱର ଶତପଥୀ ପ୍ରମୁଖ ଉପସ୍ଥିତ ଥିଲେ।