ଝାଡଖଣ୍ଡର ସର୍ଜନା ନଦୀରେ ସ୍କର୍ପିଓ ଖସିପଡି ରାଉରକେଲାର ୭ ମୃତ

ରାଉରକେଲା: ଝାଡ଼ଖଣ୍ଡର ଖୁଣ୍ଟି ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ୭ଜଣଙ୍କ ମୃତ୍ୟୁ ଘଟିଛି। ନିଜର ନିଖୋଜ ଥିବା ୧୮ବର୍ଷିୟା ଭଉଣୀକୁ ଖୋଜିବାକୁ ଯାଇ ସଡ଼କ ଦୁର୍ଘଟଣାରେ ପ୍ରାଣ ହରାଇଲା ଭାଇ ଭିକି ସିଂହ। ଭିକି ସିଂହଙ୍କ ସମେତ ୭ଜଣଙ୍କ ମୃତ୍ୟୁ ହୋଇଛି। ଭିକି ସିଂହ ବୁଧବାର ଦିନ ତା’ ଭଉଣୀ କୁଆଡେ ନିଖୋଜ ହେବାର ରିପୋର୍ଟ ବ୍ରାହ୍ମଣୀ ତରଙ୍ଗ ଥାନାରେ ଦେଇଥିଲେ। ତେବେ ଗୁରୁବାର ଦିନ ଭଉଣୀ ଲକ୍ଷ୍ନୌରେ ଥିବା ଖବର ମିଳିଥିଲା। ଜଗଦାର କେଦାର ପ୍ରିୟଦର୍ଶି ବାରିକଙ୍କ ଏକ ସ୍କର୍ପିଓ ଭଡା କରି ଆଉ ୫ଜଣଙ୍କୁ ସାଙ୍ଗରେ ନେଇ ଗତକାଲି ରାତିରେ ବାହାରିଥିଲା ଲକ୍ଷ୍ନୌ ଅଭିମୁଖେ। ମାତ୍ର ଖୁଣ୍ଟିରେ ସର୍ଜନା ନଦୀପୋଲରେ ଭାରସାମ୍ୟ ହରାଇ ତଳକୁ ଖସିପଡିଥିଲା ସ୍କର୍ପିଓ। ଘଟଣା ସ୍ଥଳରେ ୭ଜଣଙ୍କ ମୃତ୍ୟୁ ହୋଇଥିଲା। ଗୁରୁତର ଅବସ୍ଥାରେ ଡ୍ରାଇଭରଙ୍କୁ ଚିକିତ୍ସା କରାଯାଉଛି। ଏହି ଖବର ପାଇବାପରେ ବେଦବ୍ୟାସ ଅଂଚଳରେ ଭିକି ରହୁଥିବା ଘରେ ଓ ଆଖପାଖ ଅଂଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି। ସେହିପରି ବିରମିତ୍ରପୁର ଏବଂ ଜଗଦାରେ ମଧ୍ୟ ସମାନ ପରିବେଶ ସୃଷ୍ଟି ହୋଇଛି।