ଜେଲ୍‌ ଗଲେ ସର୍ଦ୍ଦାର ରାଜାସ୍ ମେଡିକାଲ୍‌ କଲେଜ୍‌ର ମୁଖ୍ୟ

<p>ଧର୍ମଗଡ଼ (ଓଡ଼ିଶା ରିପୋର୍ଟର): କଳାହାଣ୍ଡି ଜିଲ୍ଲା ସର୍ଦ୍ଦାର ରାଜାସ୍ ମେଡିକାଲ୍&zwnj; କଲେଜର ମୁଖ୍ୟ ଏ. ଜନ୍&zwnj;ସେଲ୍ ରାଜାଙ୍କ ଜାମିନ ଆବେଦନ ଖାରଜ ହୋଇଯାଇଛି।&nbsp; ଜାମିନ ଆବେଦନ ଖାରଜ ହେବା ପରେ ତାଙ୍କୁ ଧର୍ମଗଡ଼ ଜେଲ୍&zwnj;କୁ ପଠାଇ ଦିଆଯାଇଛି।</p> <p>ତାମିଲନାଡୁ ନଗରକୋଏଲରୁ ଗିରଫ କରିବା ପରେ କ୍ରାଇମବ୍ରାଞ୍ଚର ଇଓଡବ୍ଲ୍ୟୁ ଜନ୍&zwnj;ସେଲ୍&zwnj;ଙ୍କୁ ଜୁନାଗଡ଼ ଜେଏମ୍&zwnj;ଏଫ୍&zwnj;ସି କୋର୍ଟରେ ହାଜର କରିଥିଲା।</p> <p>ସେ ସେଲଭାମ୍&zwnj; ଏଜୁକେସ୍&zwnj;ନାଲ୍&zwnj; ଚାରିଟେବଲ୍&zwnj; ଟ୍ରଷ୍ଟର ମୁଖ୍ୟ ଥିଲେ। ୨୦୧୩ -୧୪ ଓ ୨୦୧୪-୧୫ ଶିକ୍ଷାବର୍ଷରେ ଏମ୍&zwnj;ବିବିଏସ୍&zwnj; ପାଠ୍ୟକ୍ରମ ଲାଗି ଏମ୍&zwnj;ସିଆଇର ଅନୁମତି ପାଇଥିଲା ସର୍ଦ୍ଦାର ରାଜାସ୍ ମେଡିକାଲ୍ କଲେଜ୍&zwnj;।</p> <p>କଲେଜ୍&zwnj;ରେ କୌଣସି ଭିତ୍ତିଭୂମି ନ ଥିବା କଥାକୁ ଲୁଚାଇଥିଲେ କର୍ତ୍ତୃପକ୍ଷ। ଏପରିକି ମିଥ୍ୟା କାଗଜପତ୍ର ଓ ତଥ୍ୟ ଦେଇ ସେ ଏମ୍&zwnj;ସିଆଇ କର୍ତ୍ତୃପକ୍ଷଙ୍କୁ ଅନ୍ଧାରରେ ରଖିଥିଲେ। ଫଳରେ ତୃତୀୟ ବର୍ଷ ପାଠ୍ୟକ୍ରମ ପାଇଁ ଏମ୍&zwnj;ସିଆଇ ପକ୍ଷରୁ କଲେଜକୁ ଅନୁମତି ମିଳି ନ ଥିଲା।</p> <p>ତୃତୀୟ ବର୍ଷ ପାଇଁ ଅନୁମତି ମିଳିବ ନାହିଁ ବୋଲି ଜାଣିବା ପରେ ମଧ୍ୟ ସେ ପିଲାଙ୍କ ଠାରୁ କ୍ୟାପିଟେସନ୍ ଫି&rsquo; ଓ କସନ୍&zwnj; ମନି ବାବଦକୁ ବିପୁଳ ପରିମାଣର ଅର୍ଥ ଆଦାୟ କରିଥିଲେ।</p> <p>ଏହାପରେ ୧୨୪ ଡାକ୍ତରୀଙ୍କ ଛାତ୍ରଛାତ୍ରୀଙ୍କ ଭାଗ୍ୟ ଅନ୍ଧକାର ଭିତରକୁ ଠେଲି ହୋଇଯାଇଥିଲା। ଏହି ଘଟଣାକୁ ନେଇ ସେତେବେଳେ ସାରା ଦେଶରେ ହଟଚମଟ ସୃଷ୍ଟି ହୋଇଥିଲା।</p>