ବିବାଦରେ ଭିମ୍‌ସାର ନିର୍ଦ୍ଦେଶକ: ୱାର୍ଡରେ ରୋଗୀଙ୍କ ଚୁଟି କାଟି ପକାଉଛନ୍ତି

<p>ସମ୍ୱଲପୁର (ସଞ୍ଜୟ କୁମାର ଜେନା): ଷ୍ଟିଂ ଅପରେସନ କରି ଘରୋଇ କ୍ଲିନିକ୍&zwnj;ରେ କାର୍ଯ୍ୟ କରୁଥିବା ପ୍ରଫେସରଙ୍କୁ ଧରିବା ହେଉ ତ କେତେବେଳେ ଛାତ୍ରଛାତ୍ରୀଙ୍କ ବିଶୃଙ୍ଖଳିତ ଆଚରଣ ବିରୋଧରେ ଆଖିଦୃଶିଆ ପଦକ୍ଷେପ ନେଇ ଚର୍ଚ୍ଚାରେ ଥିଲେ ବୁର୍ଲା ମେଡିକାଲ କଲେଜର ନିର୍ଦ୍ଦେଶକ ଡାକ୍ତର ଅଶ୍ୱିନୀ ପୂଜାହାରୀ। ନିଜର କଡ଼ା ମିଜାଜ ଓ ପ୍ରଶାସନିକ କାଇଦାକୁ ନେଇ ଡାକ୍ତର ପୂଜାହାରୀ ପୁଣି ଥରେ ଏବେ ଚର୍ଚ୍ଚାକୁ ଆସିଛନ୍ତି। ଏଥର କିନ୍ତୁ ସେ ଏକ ନୂଆ ବିବାଦରେ ଫସି ଯାଇଛନ୍ତି। ମେଡିକାଲ୍&zwnj;ରେ ଥିବା ମଦ୍ୟପ ରୋଗୀଙ୍କୁ ସେ ଧରି ତାଙ୍କ ଚୁଟି କାଟି ଦେଉଛନ୍ତି। ଯାହାର ଭିଡିଓ ଏବେ ଭାଇରାଲ୍&zwnj; ହେବାରେ ଲାଗିଛି।</p> <p>ବାୟୁସେନାରୁ ଅବସର ନେବା ପରେ ଡାକ୍ତର ପୂଜାହାରୀ ଭିମ୍&zwnj;ସାରରେ ନିର୍ଦ୍ଦେଶକ ଭାବେ ଯୋଗଦେଇଥିଲେ। ନିଜର କଡ଼ା ମିଜାଜ ପାଇଁ ସେ ସବୁବେଳେ ଚର୍ଚ୍ଚାରେ ରହିଥାଆନ୍ତି। ଏଥର ତାଙ୍କୁ ନେଇ ଉଠିଥିବା ବିବାଦ ଟିକେ ଭିନ୍ନ। ମେଡିକାଲ୍&zwnj; ଆଉଟଡୋରରେ ସେ ଜଣେ ରୋଗୀଙ୍କ ମୁଣ୍ଡରୁ ଚୁଟି କାଟି ପକାଇଛନ୍ତି। ତାଙ୍କ କହିବା କଥା, ସଂପୃକ୍ତ ରୋଗୀ ଜଣକ ଅଭ୍ୟାସଗତ ମଦ୍ୟପ। ତେଣୁ ତାଙ୍କ ମା&rsquo;ଙ୍କ ଅନୁରୋଧକ୍ରମେ ମଦ ଛାଡ଼ି ଗଙ୍ଗାରେ ସ୍ନାନ କରିବାକୁ ଡାକ୍ତର ପୂଜାହାରୀ ପରାମର୍ଶ ଦେବା ସହ ମୁଣ୍ଡରୁ କିଛି ଚୁଟି କାଟି ଦେଇଛନ୍ତି।</p> <p>(image) ଏପଟେ ସେ କ୍ଲାସରୁମ୍&zwnj;ରେ ଭିମ୍&zwnj;ସାର ଅଧ୍ୟକ୍ଷ ତଥା ଡିନ୍&zwnj;ଙ୍କ ସହ ଯୁକ୍ତିତର୍କ କରୁଛନ୍ତି। ୧୦ ମିନିଟ୍ ବିଳମ୍ବରେ କ୍ଲାସରୁମକୁ ଆସିବା ଓ ଭିନ୍ନ ଭିନ୍ନ କ୍ଲାସର ପିଲାଙ୍କୁ ଏକାଠି ବସାଇ କ୍ଲାସ କରିବା ଅଭିଯୋଗ କରି ଯୁକ୍ତିତର୍କ କରୁଛନ୍ତି ଡା. ପୂଜାହାରୀ। ଯାହାର ଭିଡିଓ ଏବେ ଭାଇରାଲ୍ ହେବା ପରେ ବିବାଦୀୟ ହୋଇପଡ଼ିଛନ୍ତି ଭିମ୍&zwnj;ସାର ନିର୍ଦ୍ଦେଶକ।</p> <p>ସେପଟେ ଜୁନିୟର ଡାକ୍ତର ଆସୋଏସିଏସନ୍ ୪୮ ଘଣ୍ଟା ମଧ୍ୟରେ ଡା. ପୂଜାହାରୀଙ୍କ ବଦଳି ଦାବି କରିଛି। ଏନେଇ ସ୍ୱାସ୍ଥ୍ୟମନ୍ତ୍ରୀଙ୍କୁ ୧୦ ଦଫା ଦାବି ସମ୍ବଳିତ ଏକ ଦାବିପତ୍ର ପ୍ରଦାନ କରିଛି ସଂଘ।</p> <p>ତେବେ ଡାକ୍ତର ପୂଜାହାରୀ କହିଛନ୍ତି-&ldquo;ପୁରୁଣା ଚକ୍ରାନ୍ତରେ ଫେଲ୍ ହେବା ପରେ କିଛି ନିର୍ଦ୍ଦିଷ୍ଟ ଗୋଷ୍ଠୀ ଆଉ ଏକ ନୂଆ ଚକ୍ରାନ୍ତ ଆରମ୍ଭ କରିଛନ୍ତି। ସମ୍ବଲପୁର ବିଶ୍ୱବିଦ୍ୟାଳୟ ପରିବର୍ତ୍ତେ ଭିମ୍&zwnj;ସାରରେ ପିଜି ପରୀକ୍ଷା କରିବାକୁ ନିଷ୍ପତ୍ତି ହୋଇଥିବାରୁ ଫେଲ୍&zwnj; ହେବା ଭୟରେ କିଛି ଛାତ୍ର ତାଙ୍କ ବିରୋଧରେ ନାନା ମିଥ୍ୟା ଅଭିଯୋଗ ଆଣିଛନ୍ତି।&rdquo;</p> <p>ସେପଟେ ପଶ୍ଚିମାଞ୍ଚଳ ପିପୁଲ୍ସ ଫୋରମ୍&zwnj;ର କର୍ମକର୍ତ୍ତା ନିର୍ଦ୍ଦେଶକ ଡାକ୍ତର ପୂଜାହାରୀଙ୍କୁ ସାକ୍ଷାତ କରି ତାଙ୍କୁ ଖୋଲା ସମର୍ଥନ ଜଣାଇଛନ୍ତି।</p> <p>https://youtu.be/vvyuNPut6Zk</p>