କେନ୍ଦୁଝର-ଭୁବନେଶ୍ୱର ଫାଷ୍ଟ୍‌ ପାସେଞ୍ଜର ଟ୍ରେନ୍‌ରେ ନିଆଁ

<p>କେନ୍ଦୁଝର (ଓଡ଼ିଶା ରିପୋର୍ଟର): କେନ୍ଦୁଝର ଚିଲିକିଦରା ଷ୍ଟେସନ୍ ନିକଟରେ କେନ୍ଦୁଝର-ଭୁବନେଶ୍ୱର ଫାଷ୍ଟ୍&zwnj; ପାସେଞ୍ଜର ଟ୍ରେନ୍&zwnj;ରେ ଆଜି ନିଆଁ ଲାଗିଯାଇଥିଲା। ଲଗେଜ୍ ବଗିରେ ନିଆଁ ଲାଗିଥିବା ଜଣାପଡ଼ିବା ପରେ ବଗିଟିକୁ ତୁରନ୍ତ ଟ୍ରେନ୍&zwnj;ରୁ ଅଲଗା କରି ଦିଆଯାଇଥିଲା। କେନ୍ଦୁଝର, ଘଟଗାଁ ଓ&nbsp; ହରିଚନ୍ଦନପୁରରୁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଥିଲେ। ସମସ୍ତ ଯାତ୍ରୀ ସୁରକ୍ଷିତ ଥିବା ପୂର୍ବତଟ ରେଳ ପକ୍ଷରୁ ସୂଚନା ଦିଆଯାଇଛି।</p> <p>ନିଆଁ ଲାଗିଥିବା ପାର୍ସଲ ବଗିଟିକୁ ସିଆରପିଏଫ ପକ୍ଷରୁ ବୁକ୍&zwnj; କରାଯାଇଥିବା ନେଇ ଇଷ୍ଟକୋଷ୍ଟ ରେଲୱେ ପକ୍ଷରୁ ସୂଚନା ଦିଆଯାଇଛି। ତେବେ ନିଆଁ ଲାଗିଥିବା ବଗିରେ କଣ ରହିଥିଲା ତାହା ସ୍ପଷ୍ଟ ହୋଇ ନାହିଁ।</p> <p>କେନ୍ଦୁଝରରୁ ୬ଟା ୨୦ରୁ ଟ୍ରେନଟି ଛାଡିଥିଲା। ହେଲେ ଚିଲିକିଦରା ଷ୍ଟେସନରେ ଟ୍ରେନରେ ନିଆଁ ଲାଗିଥିଲା।</p> <p>ଗତକାଲି&nbsp; ମୁମ୍ବାଇର ଛତ୍ରପତି ଶିବାଜୀ ମହାରାଜା ଟର୍ମିନାଲ୍&zwnj; ରେଲ୍&zwnj;ୱେ ୟାର୍ଡ୍&zwnj;ର ଥିବା ସୋଲାପୁର ଏକ୍ସପ୍ରେସ ଟ୍ରେନ୍&zwnj;ର ସ୍ପେୟାର କୋଚ୍&zwnj;ରେ ନିଆଁ ଲାଗିଯାଇଥିଲ। ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ କରିଥିଲେ। ଦୁର୍ଘଟଣା ପରେ ସଙ୍ଗେ ସଙ୍ଗେ ଷ୍ଟେସନରେ ରେଳ ସେବା ବନ୍ଦ କରି ଦିଆଯାଇଥିଲା। ଫଳରେ ଅନ୍ୟ ପ୍ଲାଟଫର୍ମରେ ଥିବା ଟ୍ରେନଗୁଡ଼ିକ ଷ୍ଟେସନ୍&zwnj;ରେ ଅଟକି ରହିଥିଲେ।</p> <p>ପ୍ରଥମେ ସୋଲାପୁର ଏକ୍ସପ୍ରେସ ଟ୍ରେନ୍&zwnj;ର ସ୍ଲିପର କୋଚ୍&zwnj;ରେ ନିଆଁ ଲାଗିଯାଇଥିଲା। ପରେ ଟ୍ରେନ୍&zwnj;ର ଏୟାର କଣ୍ଡିସନ୍&zwnj; କୋଚ୍&zwnj;କୁ ନିଆଁ ବ୍ୟାପିଥିଲା। ଏହାପରେ ଗୋଟିଏ ପରେ ଗୋଟିଏ ବଗିକୁ ନିଆଁ ବ୍ୟାପିଯାଇଥିଲା। ତୁରନ୍ତ ସୋଲାପୁର ଏକ୍ସପ୍ରେସର ଜଳିଯାଇଥିବା କୋଚକୁ ଟ୍ରେନ୍&zwnj;ରୁ ଅଲଗା କରାଯାଇଥିଲା।</p> <p>ଏହାର କିଛି ଦିନ ପୂର୍ବରୁ ମଧ୍ୟପ୍ରଦେଶର ଗାୱାଲିୟର ଆନ୍ଧ୍ରପ୍ରଦେଶ ଏକ୍ସପ୍ରେସରେ ନିଆଁ ଲାଗିଯାଇଥିଲା।</p> <p>&amp;nbsp;</p>