ସଜେଇ ହେଲାଣି ଖଣ୍ଡଗିରି ଓ ଉଦୟଗିରି: ଯାତ୍ରା ମହାସମର ପାଇଁ କାଉଣ୍ଟ୍‌ଡାଉନ୍‌ ଆରମ୍ଭ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ସଜେଇ ହେଲାଣି ଖଣ୍ଡଗିରି ଓ ଉଦୟଗିରି ପାଦଦେଶ। କାରଣ ରାତି ପାହିଲେ ମାଘସପ୍ତମୀ ସାଙ୍ଗକୁ ପ୍ରସିଦ୍ଧ କୁମ୍ଭମେଳା ଆରମ୍ଭ ହେବ। ସେଥିପାଇଁ ଖଣ୍ଡଗିରିକୁ ସୁଅ ଛୁଟିଲାଣି ସାଧୁସନ୍ଥଙ୍କର। ତା&rsquo; ସାଙ୍ଗକୁ ପୁଣି କୁମ୍ଭମେଳାରେ ଜମିବ ଯାତ୍ରାର ମହାସମର। ସେଥିପାଇଁ ଯାତ୍ରା ପାର୍ଟିମାନେ ମଧ୍ୟ ଫୁଲ୍ ଦମ୍&zwnj;ରେ ଷ୍ଟେଜ ନିର୍ମାଣରେ ଲାଗିପଡ଼ିଛନ୍ତି। ଏଥର ଖଣ୍ଡଗିରି ମେଳାର ଆଉ ଏକ ଆକର୍ଷଣ ସାଜିବ ପ୍ରଥମ ଥର ପାଇଁ ଆୟୋଜନ କରାଯାଉଥିବା ଖଣ୍ଡଗିରି-ଉଦୟଗିରି ମହୋତ୍ସବ।</p> <p>ଶିଶୁପାଳଗଡ ମହୋତ୍ସବ, କେଦାରଗୌରୀ ମହୋତ୍ସବ ପରେ ଏଥର ଜମିବ ଖଣ୍ଡଗିରି-ଉଦୟଗିରି ମହୋତ୍ସବ। ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ଓଡ଼ିଶାର କଳା, ସଂସ୍କୃତି ଓ ଐତିହ୍ୟ ସମ୍ପର୍କରେ ସାଧାରଣ ଲୋକ ଜାଣିବାକୁ ସୁଯୋଗ ପାଇବେ। ତା&rsquo;ସାଙ୍ଗକୁ ସମ୍ରାଟ ଖାରବେଳଙ୍କ ସହ ଖଣ୍ଡଗିରି-ଉଦୟଗିରିର ସମ୍ପର୍କ ସମ୍ପର୍କରେ ଲୋକେ ଜାଣିପାରିବେ। ଏଥଥିପାଇଁ ରାଜ୍ୟ ସରକାରଙ୍କ ସଂସ୍କୃତି ଓ ପର୍ଯ୍ୟଟନ ବିଭାଗ, ବିଏମ୍&zwnj;ସି ଓ ଓଟିଡିସିର ମିଳିତ ସହଯୋଗରେ କରାଯିବ ଏହି ମହୋତ୍ସବ।</p> <p>&lt;a href=&quot;&quot;&gt;(image) &lt;/a&gt;୨୫ ତାରିଖରୁ ଏହି ମହୋତ୍ସବ ଆରମ୍ଭ ହୋଇ ୨୮ ତାରିଖ ପର୍ଯ୍ୟନ୍ତ ଚାଲିବ। ଏହି ୪ ଦିନିଆ ମହୋତ୍ସବରେ ଓଡିଶାର ଇତିହାସ ସମ୍ପର୍କିତ ବିଭିନ୍ନ ତଥ୍ୟ ଡିଜିଟାଲ୍ ମାଧ୍ୟମରେ ଲୋକଙ୍କ ପାଖରେ ପହଞ୍ଚାଇବା ସହ ରାଜ୍ୟର ବିଭିନ୍ନ&nbsp; ସ୍ଥାନରୁ ଆସିଥିବା କଳାକାରଙ୍କ ଦ୍ୱାରା ପାରମ୍ପାରିକ ନୃତ୍ୟ ପରିବେଷିତ ହେବ।</p> <p>ସେପଟେ ଖଣ୍ଡଗିରି ମେଳାରେ ଯାତ୍ରା ପରିବେଷଣ କରିବେ ୧୩ଟି ବଛା ବଛା ଯାତ୍ରା ପାର୍ଟି। ଏଥିପାଇଁ ଏବେଠାରୁ ହିଁ ଖଣ୍ଡଗିରି ଛକରେ ବିଭିନ୍ନ ଯାତ୍ରା ପାର୍ଟି ପକ୍ଷରୁ ଆରମ୍ଭ ହୋଇଯାଇଛି ପୋଷ୍ଟର ଓ୍ୱାର୍।&nbsp;&nbsp; ଆସନ୍ତାକାଲିଠାରୁ ଖଣ୍ଡଗିରି ମେଳା ଆରମ୍ଭ ହେଉଥିବା ବେଳେ ୨୬ ତାରିଖରୁ ହେବ ଯାତ୍ରା ମହାସମର।&nbsp; ୧୨ ଦିନରେ ୭ଟି ପେଣ୍ଡାଲରେ ଯାତ୍ରା ପ୍ରଦର୍ଶନ କରିବେ ୧୩ଟି ଯାତ୍ରା ପାର୍ଟି।</p> <p>https://youtu.be/IuI7aKglcnY</p>