ଭାତ ଖାଇ ସାରିଲା ପରେ କହିବି…

ଭୁବନେଶ୍ୱର (ଓଡ଼ିଶା ରିପୋର୍ଟର): ବରପାଲିର କୁମ୍ଭାରୀରେ ଆଜି ନିର୍ବାଚନୀ ସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପରକୁ ଜଣେ ଯୁବକ ଜୋତା ଫିଙ୍ଗିଥିଲେ। ତେବେ ଜୋତା ଦୁଇଟି ମୁଖ୍ୟମନ୍ତ୍ରୀଙ୍କ ଦେହରେ ବାଜି ନଥିଲା। ଜୋତା ଫିଙ୍ଗି ଥିବା ଯୁବକଙ୍କ ନାଁ କାର୍ତ୍ତିକ ମେହେର।

ଜୋତା ଫିଙ୍ଗା ପରେ ଲୋକଙ୍କ ମାଡ଼ରେ ଅଭିଯୁକ୍ତ ଯୁବକ ଆହତ ହୋଇଛି। ତାକୁ ବରପାଲି ମେଡିକାଲରେ ଭର୍ତ୍ତି କରିଥିଲା ପୋଲିସ୍। ତା’ ମୁଣ୍ଡରେ ବ୍ୟାଣ୍ଡେଜ୍ ହୋଇଛି। ତାଙ୍କୁ ବୁର୍ଲା ଡାକ୍ତରଖାନା ସ୍ଥାନାନ୍ତର କରାଯାଇଛି।

ବରପାଲି ଡାକ୍ତରଖାନାରେ ତାକୁ ଗଣମାଧ୍ୟମ ପ୍ରତିନିଧି ମାନେ ପଚାରିଥିଲେ କାହିଁକି ଜୋତା ଫିଙ୍ଗିଲ। ସେ ବେଶ୍ ନିର୍ଭୟରେ ହସି ହସି କହିଥିଲା ଯେ ତିନି ଜଣ ଲୋକଙ୍କଠାରୁ ପ୍ରେରଣା ପାଇ ଏ କାମ କରିଛି। ତେବେ କାହାଠାରୁ ପ୍ରେରଣା ପାଇଛି ସେ ନେଇ କିଛି କହିନାହିଁ।

କେଉଁ ଦଳ ତୁମକୁ ପଠାଇଥିଲା କି ବୋଲି ଗଣମାଧ୍ୟମ ପ୍ରତିନିଧିମାନେ ପଚାରିଥିଲେ ବି ସେ କିଛି ସେ ବାରମ୍ବାର କହୁଥିଲା,“ମୁଁଇ ନାଁଇ କହେ। ଭାତ୍ ଖାଇଲେ ଯାଇ କହେମି। ମା କେ ଫୋନ୍ କରମି।”

ତୋ ଘର କୋଉଠି ବୋଲି ପଚାରିବାରୁ ହସି ହସି କହିଲା, “ପଦ୍ମପୁରର ବିଧାପାଲିରେ।”

ସେ କ’ଣ କହୁଛି ଭିଡିଓରେ ଦେଖନ୍ତୁ-