ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କୋରାପୁଟ: ନାବାଳିକା ଗଣଦୁଷ୍କର୍ମ ମାମଲାରେ ସିଆରପିଏଫ୍‌ ଯବାନଙ୍କ ସମ୍ପୃକ୍ତି ଥିବା ଅଭିଯୋଗ ହୋଇଛି। ଏପରି ଅଭିଯୋଗ ନାବାଳିକାଙ୍କ ଭାଇ ଆଣିଛନ୍ତି। ସେ କହିଛନ୍ତି ୪ ଅଭିଯୁକ୍ତମାନେ ଯବାନଙ୍କ ଭଳି ପୋଷକା ପିନ୍ଧିଥିଲେ ଓ ଅସ୍ତ୍ରଶସ୍ତ୍ର ଧରିଥିଲେ।</p> <p>ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି। ସ୍ଥାନୀୟ ଲୋକେ ଟାୟାର ଜାଳି ରାସ୍ତାରୋକ କରିଛନ୍ତି। ଅଭିଯୁକ୍ତମାନଙ୍କୁ ତୁରନ୍ତ ଗିରଫ କରିବାକୁ ଲୋକେ ଦାବି କରିଛନ୍ତି।</p> <p>ପୀଡ଼ିତାଙ୍କ ଭାଇ କହିଛନ୍ତି- “ପାସ୍‌ପୋର୍ଟ ଫଟୋ ଉଠାଇବାକୁ ଭଉଣୀ କୁନ୍ଦୁଲି ହାଟପଦା ଯାଉଥିଲେ। କିଛି ବାଟ ଅଟୋରେ ଯିବା ପରେ ଜଙ୍ଗଲରେ ଚାଲି ଚାଲି ଯାଉଥିଲେ। ଏହି ସମୟରେ ୪ ଜଣ ଯବାନ ତାଙ୍କୁ ଅଟକାଇ ଥିଲେ ଓ ମୁହଁରେ ଓଢ଼ଣୀ ଗୁଡ଼ାଇ ଉଠାଇ ନେଇ ଦୁଷ୍କର୍ମ କରିଥିଲେ।”</p> <p>ଅନ୍ୟପକ୍ଷରେ ଏପରି ଅଭିଯୋଗକୁ ସିଆରପିଏଫ୍‌ ଡିଆଇଜି ଅପରେସନ ରାମ ଚରିତ୍ର ଖଣ୍ଡନ କରିଛନ୍ତି। ସେ କହିଛନ୍ତି- “ଅଭିଯୋଗ ଆସିବା ପରେ ଘଟଣାର ତଦନ୍ତ କରିଛି। ପ୍ରାଥମିକ ତଦନ୍ତରୁ ଅଭିଯୋଗ ମିଥ୍ୟା ବୋଲି ଜଣାପଡିଛି।”</p> <p>ଅଭିଯୁକ୍ତଙ୍କୁ ଗିରଫ ଦାବିରେ କୋରାପୁଟ ବିଧାୟକ କୃଷ୍ଣ ସଗରିଆ ଏବଂ ପୌରାଧ୍ୟକ୍ଷ ଭଗବାନ ବାହିନୀପତି ଏସ୍‌ପି ଅଫିସ୍‌ ଆଗରେ ଧାରଣା ଦେଇଛନ୍ତି। କଂଗ୍ରେସ ମଧ୍ୟ ଘଟଣାର ପ୍ରତିବାଦରେ ଆଗକୁ ଆସିଛି। ଦଳୀୟ କର୍ମକର୍ତ୍ତା ଏସ୍‌ପି ଅଫିସ୍‌ ଘେରାଉ କରିଛନ୍ତି।</p> <p>ଅନ୍ୟପକ୍ଷରେ ଘଟଣାର ନିରପେକ୍ଷ ତଦନ୍ତ ହେବ ଓ ଯିଏ ବି ସଂପୃକ୍ତ ଥିବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ୍ ଡିଜି କହିଛନ୍ତି।</p> <p>ପଟାଙ୍ଗି ଥାନା ସୋରିଷପଦର ଗାଁ ପାଖ ଜଙ୍ଗଲରେ ସଂପୃକ୍ତ ନାବାଳିକାଙ୍କୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଗୁରୁତର ଅବସ୍ଥାରେ ତାଙ୍କୁ କୋରାପୁଟ ମେଡିକାଲରେ ଭର୍ତ୍ତି କରାଯାଇଛି।<br /> https://www.youtube.com/watch?v=KQAeXoaHXuk</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
