ନ୍ୟାୟ ଲଢେଇରେ ହାରି ଝିଅ ସିନା ଚାଲିଗଲା, ମାଆ ଝୁରୁଛି

<p>କୋରାପୁଟ(ଓଡ଼ିଶା ରିପୋର୍ଟର): ନ୍ୟାୟ ଲଢ଼େଇରେ ହାରିଯାଇଥିଲେ ଝିଅ। ସମସ୍ତଙ୍କଠାରୁ ନିରାଶ ହୋଇ ଶେଷରେ ଜୀବନ ହାରିଥିଲେ। ଇତି ମଧ୍ୟରେ ଘଟଣାକୁ ୨ ମାସ ବିତିଲାଣି। ହେଲେ ତାଙ୍କ ଝିଅକୁ ଏପର୍ଯ୍ୟନ୍ତ ନ୍ୟାୟ ମିଳିନି। ଅବୁଝା ମାଆର ମନ ବୁଝୁନି କି ଶୁଖୁନି ତା&rsquo; ଆଖିରୁ ଲୁହ। ଆଜି ବି ଘର ପିଣ୍ଢାରେ ବସି ଝିଅକୁ ଝୁରି ହେଉଛନ୍ତି। ଆଉ ଏକା ଏକା ଗୁମୁରି ଗୁମୁରି କାନ୍ଦୁଛନ୍ତି କୁନ୍ଦୁଲି ପୀଡ଼ିତାଙ୍କ ମାଆ।</p> <p>ଗଣଦୁଷ୍କର୍ମ ପରେ କେତେ ହୀନିମାନ ହେଲା ଝିଅ। ନ୍ୟାୟ ଦେବାତ ଦୂରେ ଥାଉ, ଆଜି ଯାଏଁ ଦୋଷୀଙ୍କୁ ବି ଚିହ୍ନଟ କରିପାରିଲେନି ରାଜ୍ୟ ସରକାର। ତେଣୁ ଏବେ ରାଜ୍ୟ ସରକାରଙ୍କ ତଦନ୍ତ ଉପରେ ଭରଷା ପାଉନାହିଁ। ସିବିଆଇ ତଦନ୍ତ ହେଉ ବା ନହେଉ। ମାମଲା ବନ୍ଦ କରି ଦିଅ ବୋଲି କ୍ଷୋଭ ଭରା କଣ୍ଠରେ କହିଛନ୍ତି ପୀଡ଼ିତାଙ୍କ ଭାଇ। ସେପଟେ ବିଚାର ବିଭାଗୀୟ ତଦନ୍ତ ଦାୟିତ୍ୱରେ ଥିବା ଆଇନଜୀବୀ କହିଛନ୍ତି ସତ ନିଶ୍ଚେ ପଦାକୁ ଆସିବ।</p> <p>&lt;a href=&quot;&quot;&gt;(image) &lt;/a&gt;୨୦୧୭ ଅକ୍ଟୋବର ୧୦ ତାରିଖରେ ଯବାନଙ୍କ ଭଳି ପୋଷାକ ପିନ୍ଧିଥିବା ୪ ଜଣ ନାବାଳିକାଙ୍କୁ ଗଣଦୁଷ୍କର୍ମ କରିଥିଲେ। ଏହି ଖବର ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଥିଲା। ଘଟଣାର ୬ଦିନ ପରେ ପୀଡ଼ିତାଙ୍କ ଗାଁର ୪ ଜଣଙ୍କୁ ସନ୍ଦେହରେ ଆଣି ପୋଲିସ ଜେରା କରିଥିଲା। ହେଲେ କିଛି ସୁରାଗ୍ ପାଇନଥିଲା। ତା&rsquo; ପରେ ପରେ ପୀଡ଼ିତା ଆଣିଥିଲେ ଆଉ ଏକ ସଂଗୀନ ଅଭିଯୋଗ। ମେଡିକାଲରେ ଥିବାବେଳେ ପୋଲିସ ଡିଜିପି କୁଆଡ଼େ ତାଙ୍କୁ ଲାଞ୍ଚ ଯାଚିଥିବା କହିଥିଲେ। ତା&rsquo;ପରେ ପୁଣି ତାଙ୍କର ଅସୁସ୍ଥାତା ଓ ତଦନ୍ତ ବ୍ୟବସ୍ଥାର ଚକ୍ରବ୍ୟୂହ ଭିତରେ ଛନ୍ଦିହୋଇ ଲୋକଲଜ୍ଜା ସହି ନପାରି ଜାନୁଆରୀ ୨୨ରେ ଆତ୍ମହତ୍ୟା ଭଳି ଚରମ ବାଟକୁ ବାଛିନେଲେ ପୀଡିତା। ଏ ଘଟଣାର ଗରମ ନଥମୁଣୁ, ଓଟିଭି ହାତରେ ଲାଗିଥିଲା ଏକ ଚାଞ୍ଚଲ୍ୟକର ରିପୋର୍ଟ। ରାଜ୍ୟ ଫୋରେନ୍&zwnj;ସିକ ଲ୍ୟାବର ପ୍ରାଥମିକ ରିପୋର୍ଟରେ କୁନ୍ଦୁଲି ପୀଡ଼ିତାଙ୍କ ଅନ୍ତବସ୍ତ୍ରରେ ଭିନ୍ନ ଭିନ୍ନ ସିମେନ ନମୂନା ଥିବା ରିପୋର୍ଟକୁ ନେଇ ତେଜିଥିଲା ରାଜନୀତି। ପରେ କିନ୍ତୁ ସେଣ୍ଟ୍ରାଲ ଲାବ୍, କୌଣସି ସିମେନର ଦାଗ ନଥିବା କହି କ୍ଲିନ୍ ଚିଟ୍ ଦେଇଥିଲା। ଏସବୁ ଭିତରେ ପୀଡ଼ିତାଙ୍କ ମୃତ୍ୟୁକୁ ୨ମାସ ବିତିଗଲାଣି, ହେଲେ ଏଯାଏଁ ଧରା ପଡିଲେନି ଦୋଷୀ। କୋରାପୁଟ ପୋଲିସ, କ୍ରାଇମବ୍ରାଞ୍ଚ, ବିଚାର ବିଭାଗୀୟ ତଦନ୍ତ ଓ ଶେଷରେ SIT ତଦନ୍ତ ନିର୍ଦ୍ଦେଶ ଦିଆଯାଇଛି।</p> <p>https://youtu.be/oJzMUb8ZWp8</p>